Sýndar-alvara Hreins Guðvarðarsonar komin út
Út er komið ljóðakver Hreins Guðvarðarsonar á Sauðárkróki er nefnist Sýndar-alvara og segir hann á ferðinni vera samtíning frá þessum síðustu og verstu tímum, hugleiðingar um orð og atburði sem athygli hafa vakið bæði hans og annarra.
Í formála Björns Björnssonar segir að bókin inniberi stökur, undir allnokkrum bragarháttum, sem höfundurinn hefur kastað fram við ýmis tækifæri. „Hreinn hefur gaman af, og nýtur þess að leika sér með möguleika tungumálsins og bragformanna, þó að ferskeytlan sé honum oftast nærtækust og því er nafn bókarinnar vel til fundið. Við lesturinn munu margir telja að tími hafi verið kominn til, og jafnvel mátt vera miklu fyrr, að vísur Hreins kæmu fyrir almenningssjónir en margar þeirra hafa flogið víða, bæði innan og utan héraðs.“
„Þetta er samtíningur sem orðið hefur til, sitt úr hverri áttinni, sem ég hef verið að taka þetta saman. Ekki sérstakt þema, bara um líðandi stund og atvik sem komið hafa upp. Þetta er svo sem enginn stóri sannleikur,“ segir Hreinn og hlær við er blaðamaður spyr um tilurð bókarinnar. „Þetta byrjaði aðallega þegar við systkinin vorum að hlusta á þætti Sveins Ásgeirssonar í útvarpinu, sem hann kallaði rímsnillinga, og reyndum að botna. En það var ekki björgulegt allt saman. En ef menn gera nógu mikið af þessu þjálfast þetta svolítið,“ segir Hreinn sem núorðið hefur ekkert annað að gera en semja, eins og hann orðar það sjálfur.
Þeir sem hafa áhuga á að eignast kverið geta haft samband við Hrein í síma 863 9370 eða á Facebook-síðu hans. Einnig liggja eintök í afgreiðslu Nýprents. Verði er stillt í hóf; kr. 1.500,-.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.