Þuríður í Delhí -Fyrsta mollferðin að baki
Já, þá er það búið, er búin að fara með sjúkraþjálfu í moll þar sem við áttum verulega ábatasaman dag. Haldiði ekki að það sé bara allt vaðandi í útsölum hérna núna, og þrátt fyrir áttatíma törn í mollinu í dag höfum við uppi áform um að fara í annað moll á morgun og fresta ferðinni í listasafnið. Svo verður bara að koma í ljós hvernig við verðum stemdar. Eins og er liggjum við útaf með lappirnar upp í loft og gæðum okkur, örþreyttar eftir veiðina, á súkkulaði og kaffi. Annars benti sjúkraþjálfa húkkugenginu á að ég ætti alla pokana, og hún bara einn, ég hef lúmskan grun um að hún hafi troðið sínu dóti í mína poka. Hún er allavega búin að sjá að hér eru margar sömu búðir og heima, Zara, Vera Moda, Only og svo frv. Og hér eru líka margar spennandi indverskar búðir sem gaman er að skoða í, talsvert frábrugnar þeim evrópsku. Eftir verslunartörnina ákváðum við að borða á Fridays, sem var í sjálfu sér bara gott fyrir utan þennan ótrúlega hávaða sem alltaf þarf að vera inni í búðum hér eða restauröntum.
Ég var lúin þegar ég vaknaði í morgun, þrátt fyrir að hafa sofið sæmilega vel var ég gjörsamlega lurkum lamin. Veit eiginlega ekki hvað þetta á að fyrirstilla nema þá helst að þetta er fyrsta vikan hér og ég bara hreinlega orðin uppgefin, með harðsperrur og auma liði eða eitthvað. Ég finn skrýtna tilfinningu áfram á mjaðmasvæði, bakhluta og lærum svona eins og allt sé strekkt þarna inní en samt eru vövarnir bara slappir, svo skrýtið hvernig skynjunin er. Shivanni ávað að kvelja mig ekki mikið í morgun en lét mig reyna að ná kontakt við hægra hnéð aftur, þetta mjakast og gengur svosem betur nú en fyrst, það verður gaman að sjá hver framvindan verður. Á morgun er sunnudagur og ég mun allavega njóta þess að sofa frameftir.
Fleiri fréttir
-
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira -
Laufey ráðin í stöðu aðstoðarskólameistara við FNV
feykir.is Skagafjörður, Mannlíf, Lokað efni 18.07.2025 kl. 13.56Laufey Leifsdóttir hefur verið ráðin í stöðu aðstoðarskólameistara við Fjölbrautaskóla Norðurlands vestra og tekur til starfa þann 1. ágúst næstkomandi.Meira -
Körfuknattleiksdeild Tindastóls er iðin við kolann
feykir.is Skagafjörður, Íþróttir, Lokað efni 18.07.2025 kl. 11.55Í nýrri tilkynningu segir: „Tindastóll styrkir kvennaliðið. Körfuknattleiksdeild Tindastóls hefur samið við Oceane Konkou, fransk-kanadískan framherja. Martin þjálfari segir Oceane vera þekkta fyrir hraða, varnarleik og að vera góð þriggja stiga skytta, eiginleika sem munu styrkja liðið verulega fyrir komandi tímabil. „Hún er að spila í Ástralíu núna og stendur sig mjög vel, við hlökkum mikið til að fá hana til liðsins“Meira
