Tiger Woods heimsækir Skagafjörð
Kylfingurinn frægi Tiger Woods fótbrotnaði illa í bílslysi fyrr á árinu en hefur náð miklum framförum þótt ekki geti hann spilað golf sem stendur. Vinur Tigers á hótelkeðjuna sem inniheldur m.a. Depla í Fljótum og bauð hann Tiger í heimsókn til Íslands, í þyrluflug yfir gosstöðvar í Geldingadölum og í gistingu á Deplum. Tiger frétti af golfvelli í Skagafirði og óskaði eftir að fá að skoða aðstæður.
Kristján Bjarni Halldórsson, formaður Golfklúbbs Skagafjarðar, segir að tekið verði á móti Tiger í golfskálanum á Hlíðarenda á Sauðárkróki í dag. Þar mun hann færa golfklúbbnum veglega gjöf og árita nýja bók sína, „Eye of the Tiger“ sem hann mun gefa áhugasömum. Þess er að vænta að Tiger Woods og föruneyti verði í húsakynnum golfhermisins við Borgarflöt rétt upp úr kl. 14 og í golfskálanum milli kl. 15 og 16 eftir hádegisverð í Gránu þar sem boðið verður upp á Skagfirskt lamb og bleikju.
„Sóttvarnarlæknir hefur fallist á undanþágu frá sóttvarnarreglum af þessu tilefni og leyfir GSS að taka á móti 90 manns í skálanum, með grímu. Eftir heimsókn Tiger mun svo Danshljómsveit Dósa taka nokkur lög í skálanum,“ segir Kristján Bjarni aðspurður um heimsóknina. Hann segir að í móttökunefndinni í skálanum verði stjórn GSS, forseti GSÍ, sveitarstjóri og sveitarstjórn Sveitarfélagsins Skagafjarðar og eru félagsmenn GSS og íbúar Skagafjarðar velkomnir. Minnt er á sóttvarnir en áhersla er lögð á grímunotkun og sprittun.
UPPFÆRT
Það þarf líklega ekki að upplýsa það að þessi frétt er uppspuni frá rótum í tilefni 1. apríl. Kristjáni Bjarna er þakkað fyrir hugmynd og útfærslu þessarar skröksögu. Góðar stundir.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.