Til hvers er barist? | Leiðari 41. tölublaðs Feykis
Ég las um helgina að árið 2025 væri Kvennaár. Ég verð að viðurkenna að ég var svolítið hissa á þessu því einhvern veginn hafði þetta alveg farið fram hjá mér. Nú má vera að ég hafi heyrt þetta en ekki meðtekið skilaboðin, við karlangarnir eigum það víst til.
Nýprent er ekki fjölmennur vinnustaður. Við erum fjögur og ég er eini karlinn, sem getur að sjálfsögðu tekið talsvert á. Enginn áhugi á að ræða enska boltann. Dömurnar á Nýprenti eru reyndar harðduglegar og eru með böggum hildar ef þeim fellur verk úr hendi. Ef ég las rétt í umræðuna þeirra á milli í síðustu viku þá voru þær ekki alveg vissar hvort þær ætluðu að skilja mig einan eftir í vinnunni síðastliðin föstudag, þegar konur voru hvattar til að leggja niður störf og krefjast jafnréttis.
Mig minnir að ég hafi hvatt þær til að taka þátt í verkfallinu en ég er auðvitað kominn á sextugsaldur og kannski farinn að gleyma eða hagræða sannleikanum þegar það hentar. Og hafi ég sagt eitthvað þá er auðvitað næsta víst að þær hafi tekið því sem ég sagði alveg öfugt. Þannig vill það nú oft vera þegar kynin tala saman og nú hefur kynjunum fjölgað og það einfaldar sennilega ekki samskiptin.
Á endanum ákváðu dömurnar að leggja niður störf kl. 13:30 á föstudegi en ekki heyrði ég annað en að þær ætluðu að skella sér á þriðju vaktina eða hvað þetta nú kallast. Taka til, sækja börnin í leikskólann, setja í vélina, stinga upp kartöflur, taka sig til fyrir tónleika og allt þetta sem konur gera meðfram vinnunni sinni.
Fyrr um morguninn var varpað fram spurningunni hvað það væri sem vantaði upp á til að konur teldu fullu jafnrétti náð. Aldrei þessu vant varð fátt um svör. Einhver nefndi þó að konur fengju ekki allar sömu laun fyrir sömu vinnu og karlarnir. Sú lenska hlýtur þó að vera á undanhaldi því ég held að allir – eða í það minnsta flestir – sjái að það er ekkert eðlilegt við það.
En fyrir hverju er þá verið að berjast?
„Kröfur Kvennaárs eru einfaldar kröfur og aðgerðir sem stjórnvöld geta komið í framkvæmd til að taka stór skref í átt að jafnrétti. Þær eru í þremur flokkum; launamisrétti kynjanna, ólaunuð vinna kvenna og kynbundið ofbeldi. Á meðal þeirra eru kröfur um að endurmeta virði kvennastarfa, brúa bilið á milli fæðingarorlofs og leikskóla og grípa til margvíslegra aðgerða til að útrýma kynbundnu ofbeldi,“ segir m.a. á heimasíðu Kvennaárs.
Á föstudaginn var þess minnst að 50 ár eru síðan konur lögðu niður störf á landsvísu. Á samstöðufundi í Miðgarði flutti Sigríður Garðarsdóttir í Miðhúsum erindi og sagði m.a.: „Þökkum formæðrum okkar baráttuna sem þær háðu fyrir okkar hönd en tökum ekki stöðu okkar í dag sem sjálfsögðum hlut. Gleðjumst yfir því sem við höfum en munum að það að gefa slaka er undanhald.“
Áfram konur, kvár og karlar!
Óli Arnar Brynjarsson
ritstjóri
Fleiri fréttir
-
Samdi lagið á gítarinn hans pabba
feykir.is Vestur-Húnavatnssýsla, Lokað efni 08.11.2025 kl. 09.00Emelía Íris Benediktsdóttir oftast kölluð Íris er 15 ára nemandi í tíunda bekk Grunnskóla Húnaþings vestra. Hún er dóttir Sigrúnar Birnu Gunnarsdóttur og Benedikts Guðna Benediktssonar en hann spilar einmitt á gítar og hefur líka mikinn áhuga á tónlist og lítur Íris mikið upp til hans fyrir það að eigin sögn. Eldri systur Írisar eru Rakel Jana og Arnheiður Diljá, þær æfðu m.a. á píanó og Diljá er einnig í söngnámi núna og er sjálf að prófa sig áfram í því að semja tónlist. Eldri bróðir hennar, Ástvaldur Máni, spilar á trommur og yngri fósturbróðir hennar æfir á trommur líka, Darius Gunnar, svo það er óhætt að segja að það sé mikið um tónlist í kringum Írisi.Meira -
Heimtur virðast vera góðar
feykir.is Skagafjörður, Lokað efni 07.11.2025 kl. 17.09Þessa bráðskemmtilegu drónamynd hér að ofan tók Halldór Gunnar Hálfdansson bóndi á Molastöðum í Fljótum í síðustu viku þegar veturinn lét á sér kræla. Feykir nýtti tækifærið og spurði bóndann út í veður og heimtur.Meira -
„Með gleðina og keppnisskapið að vopni getur leikurinn unnist“
feykir.is Íþróttir, Vestur-Húnavatnssýsla, Mannlíf, Lokað efni 07.11.2025 kl. 12.51Húnvetningar eru duglegir að stunda blak og hefur Feykir áður sagt frá liði Hvatar á Blönduósi. Birnur í Húnaþingi vestra eiga sér lengri sögu í blakinu en þær eru nú með lið í 5. deild Íslandsmótsins. Feykir dembdi nokkrum spurningum á S. Kristínu Eggertsdóttur formann blakfélagsins Birna og hjúkrunarfræðing hjá HSV á Hvammstanga. Hún segir að iðkendur séu að jafnaði 12-14 talsins á æfingum, þeir yngstu eru í 9. bekk grunnskóla og svo upp úr, konur og karlar æfa saman og eru æfingar tvisvar í viku, á þriðjudags- og fimmtudagskvöldum.Meira -
Háskólinn á Hólum tekur þátt í ArcticKnows verkefninu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 07.11.2025 kl. 11.11Þann 1. október síðastliðinn var ýtt úr vör þverfaglegu rannsóknarverkefni sem beinir sjónum að mótun sameiginlegra leiða til sjálfbærra atvinnuhátta á Norðurslóðum með því að byggja brýr milli vísindalegrar og staðbundinnar þekkingar. Verkefnið nefnist ArcticKnows og er styrkt af Horizon Europe áætlun Evrópusambandsins (Innovation Action).Meira -
Kynning hafin á fyrirkomulagi sameiningarkosninga
feykir.is Vestur-Húnavatnssýsla 07.11.2025 kl. 10.01Kynningarbæklingur vegna íbúakosninga um sameiningu Húnaþings vestra og Dalabyggðar hefur verið settur í dreifingu og ætti nú væntanlega að hafa borist inn á heimili í báðum sveitarfélögum. Heimili sem hafa afþakkað fjölpóst og fríblöð hafa væntanlega ekki fengið bæklinginn en hægt er að nálgast hann á rafrænu formi fyrir þá sem vilja kynna sér innihald hans á kynningarsíðunni dalhus.is.Meira
