Tilfærsla á losunardögum hjá Flokku
Vegna fjölda frídaga nú um hátíðirnar verður örlítil tilfærsla á sorplosunardögum hjá Flokku í Skagafirði. Sem dæmi seinkar hreinsun í Hegranesi, sem fram átti að fara í gær, fram í fyrstu vikuna í janúar. Vert er að benda á að flugeldarusl fer í urðun og best að skila því í Flokku sem fyrst.
Á heimasíðu Flokku segir að hræbíllinn sem ætti að vera á ferðinni næsta miðvikudag 1. janúar fer ekki fyrr en fimmtudaginn 2. janúar. Minnt er á að hægt sé að panta bílinn á netfanginu flokka@flokka.is og það þarf það gerast fyrir kl.10 þann dag sem farið er. Annars er síminn hjá Flokku 453-5000.
Hreinsun í neðri bæ Sauðárkróks, græn tunna, verður á hefðbundnum degi eða föstudaginn 3. janúar. Farið verður af stað kl 8 að morgni og hvetur Flokka íbúa í neðri bæ til að setja flokkaða úrganginn út í tunnu tímalega og passa upp á að aðgengi að tunnunni sé gott, að öðrum kosti er tunnan ekki losuð.
„Minnum á að jólapappír fer ekki í endurvinnslu - nema öruggt sé að hann sé hreinn pappír - ekki plastblandaður. Flugeldar fara í urðun. Best er að skila þeim hingað í Flokku þar sem þeir geta tekið mikið pláss í svörtu tunnunni. Ónotaðir flugeldar fara alls ekki í tunnurnar. Þeim þarf að skila inn til förgunar. Ekki er mælt með því að geyma ónotaða flugelda heima við milli ára. Móttakan í Flokku er opin til kl. 12 á gamlársdag og opnar aftur fimmtudaginn 2. janúar kl. 9.
Við óskum ykkur gleðilegs nýs árs og farið varlega með skoteldana.“
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.