Tindastóll tapar í Iceland Glacial höllinni
Lið Tindastóls varð undir í viðureigninni gegn Þór Þorlákshöfn sl. föstudagskvöld þegar Stólarnir sóttu Þórsara heim í Iceland Glacial höllinni. Úrslit urðu 92 – 66. Samkvæmt frétt á Karfan.is var mæting stuðningsmanna liðanna til fyrirmyndar og fjölmennt í höllinni.
Á Karfan.is segir að í fyrsta leikhluta hafi verið útlit fyrir spennandi leik og hann spilast jafnt hvað stigaskor varðar. Davíð Arnar Ágústsson smellti niður þriggja stiga körfu fyrir Þórsara undir leikhlutans og kom þeim yfir. Stólarnir voru þó fljótir að jafna leikinn en þegar hálf mínúta var eftir af leikhlutanum svaraði Pétur Rúnar Birgisson með þristi. Hann kom sér svo á vítalínuna í lokasekúndunum eftir óheppilega villu hjá Halldóri Garðari Hermannssyni og setti bæði vítin niður. Í lok leikhlutans leiddu Stólarnir, 24 – 26.
Tindastóls menn virtust ætla fara vel af stað í öðrum leikhluta en það lifði skammt. Davíð Arnar setti niður þrist númer tvö og Þórsarar tóku við stjórninni á leiknum. Ingvi Rafn Ingvarsson fékk sína þriðju villu um miðjan leikhlutann og var þá kallaður í smá pásu á bekknum. Darrell Lewis átti síðasta innlegg leikhlutans þegar hann lokaði fyrri hálfleik með þriggja stiga körfu og staðan 46 - 40 fyrir hléið.
Í þriðja leikhluta hélst munurinn í kring um 10 stig, þar til Þórsararnir Ragnar Örn Bragason og Þorsteinn Már Ragnarsson skoruðu sinn hvorn þristinn. Þá tók Pieti Poikola, þjálfari Tindastóls, leikhlé til að tala aðeins við sína menn. Þórsarar héldu þó áfram að setja stór skot. Á lokamínútunni braut Davíð á Viðari Ágústssyni og í framhaldinu þurfti að stilla til friðar á milli manna. Staðan í lok leikhlutans var 69 – 54.
Lukkan var áfram öll Þórsara megin í fjórða leikhluta. Ragnar Nathanaelsson fékk áminningu fyrir að blokka Lewis. Pieti tók tvö leikhlé til að ræða við sína menn en þegar kom að leikslokum var staðan 92 – 66.
Þór Þ.-Tindastóll 92-66 (24-26, 22-14, 23-14, 23-12)
Tindastóll: Jerome Hill 13/10 fráköst, Darrel Keith Lewis 11/4 fráköst, Darrell Flake 8, Viðar Ágústsson 8, Arnþór Freyr Guðmundsson 8, Pétur Rúnar Birgisson 8/4 fráköst, Pálmi Geir Jónsson 6, Helgi Rafn Viggósson 2, Helgi Freyr Margeirsson 2, Ingvi Rafn Ingvarsson 0, Sigurður Páll Stefánsson 0, Finnbogi Bjarnason 0.
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
