Umsóknum um félagslegt húsnæði fjölgar á NV
Könnun Varasjóðs húsnæðismála sem nýlega var birt á vef Velferðarráðuneytisins sýnir að í lok síðasta árs voru leiguíbúðir í eigu sveitarfélaga á Íslandi alls 4937 að tölu. Í niðurstöðum könnunarinnar kemur fram að umsóknum um félagslegt húsnæði hefur fjölgað um 16,3% á Norðurlandi vestra á milli ára og fjölgun á biðlistum milli ára nemur um 19%, sem er andstætt því sem er í flestum öðrum landshlutum.
Af einstökum landshlutum voru leiguíbúðir á hverja 100 íbúa næstflestar á Norðurlandi vestra, 2,8. Sveitarfélögin á Norðurlandi vestra eiga samtals 200 leiguíbúðir. Þar af telst rúmlega helmingur, eða 104 íbúðir félagslegar leiguíbúðir, 28 leiguíbúðir fyrir aldraða, 10 fyrir fatlaða og 58 eru skilgreindar sem aðrar leiguíbúðir. Af einstökum sveitarfélögum voru leiguíbúðir á hvern íbúa næstflestar á landsvísu á Skagaströnd eða 6,53. Þar á eftir kemur Húnaþing vestra með 4,62 og síðan Blönduósbær með 3,73.
Spurt var um áform sveitarfélaganna um fækkun leiguíbúða. Í svörum kom fram að sveitarfélagið Skagafjörður hefði selt eina íbúð á síðasta ári og áformaði að selja tvær á þessu ári. Þar og á Skagaströnd var staðan á leigumarkaði í sveitarfélaginu talin í jafnvægi en í Húnaþingi vestra, Blönduósbæ og Húnavatnshreppi var talinn nokkur skortur á félagslegu leiguhúsnæði. Í Skagafirði er biðtíminn eftir félagslegu leiguhúsnæði að meðaltali 18 mánuðir, 3 mánuðir í Blönduósbæ og 12 mánuðir í Húnavatnshreppi.
Rekstrarvandi verulegur
Í könnuninni var komið inn á rekstrarvanda vegna leiguíbúða sveitarfélaganna og hvers eðlis rekstrarvandinn væri. Í Skagafirði var rekstrarvandinn talinn verulegur og einkum stafa af því að leigutekjur stæðu ekki undir rekstri og skuldir væru miklar, en einnig vegna þess að íbúðir stæðu auðar og vegna viðhaldskostnaðar. Hjá Húnaþingi vestra virðist vandinn einkum stafa af því að íbúðir standa auðar . Á Skagaströnd og í Húnavatnshreppi vegur þyngst að leigutekjur standa ekki undir kostnaði og viðhaldskostnaður er mikill.
Meðalleiga á íbúðarhúsnæði í eigu sveitarfélaganna er víðast hvar á landsbyggðinni undir 1000 krónum á fermetra. Á því eru samt allnokkrar undantekningar, einkum í stærri sveitarfélögum. Þannig er meðalleigugjald á fermetra rétt rúmar 1000 krónur í Sveitarfélaginu Skagafirði, í kringum 800 krónur í Húnaþingi vestra og á Skagaströnd, um 900 krónur í Blönduósbæ og um 450 krónur í Húnavatnshreppi.
Þetta er í þriðja sinn sem könnun af þessu tagi er gerð meðal sveitarfélaganna. Var hún framkvæmd með rafrænu sniði og tóku öll sveitarfélög á Norðurlandi vestra nema Skagabyggð þátt í henni. Könnunina í heild má nálgast á heimasíðu Velferðarráðuneytisins.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
