Vegurinn úr Fljótum og til Siglufjarðar lokaður vegna snjóflóðs
Fram kemur á vef Morgunblaðsins að Siglufjarðarvegur er lokaður vegna snjóflóðs en frekari upplýsingar liggja ekki fyrir að svo stöddu. Að sögn Magna Hreins Jónssonar, ofanflóðasérfræðings hjá Veðurstofu Íslands, sem ræddi við mbl.is féll flóðið úr Miðstrandargili, Siglufjarðarmegin við Strákagöngin, og niður á veginn. Segir Magni Veðurstofunni hafa borist tilkynning um atburðinn skömmu fyrir hádegi en flóðið mun hafa verið nokkuð stórt.
„Þeir ákváðu að hinkra aðeins á meðan veðrið er svona,“ tjáði vaktstjórinn mbl.is og bætti því við að skafrenningur væri á veginum og því ekki vænlegt að fara í mokstur eins og er en búast megi við að veðrið gangi niður í kvöld, jafnvel síðdegis.
Á síðu Veðurstofunnar kemur fram, í yfirliti yfir Strandir og Norðurland vestra, að suðlæg átt, 18 til 25 metrar á sekúndu, sé á svæðinu með éljagangi og snörpum vindhviðum sem fari í allt að 40 m/s, einkum austan til og á Ströndum.
Heimild: Mbl.is
Fleiri fréttir
-
Topplið Grindavíkur mætir í Síkið í kvöld
feykir.is Skagafjörður, Íþróttir, Lokað efni 07.03.2026 kl. 16.07Það er leikur í Síkinu í kvöld og það enginn smá leikur því topplið Grindavíkur kemur í heimsókn í Síkið. Þeir gulu hafa verið í miklu stuði í Bónus deildinni í vetur og aðeins tapað tveimur af 18 leikjum sínum á sama tíma og lið Tindastóls hefur tapað fimm. Athugið að leikurinn hefst kl. 19:00.Meira -
Þjálfarabullið hjá Chelsea er að gera mig geðveika | MARÍA DÖGG
feykir.is Skagafjörður, Íþróttir, Lokað efni 07.03.2026 kl. 15.47María Dögg Jóhannesdóttir er 24 ára Sauðkrækingur og uppalin á Sauðárkróki, dóttir Helgu Eyjólfs og Jóa Þórðar Hansen og í sambandi með Sverri Hrafni Friðsikssyni fyrirliða karlaliðs Tindastóls. María Dögg hefur verið í Tindastólstreyjunni frá blautu barnsbeini og staðið vaktina með liði Tindastóls í efstu deildunum tveimu og spilað yfir 150 leiki með meistaraflokki. Hún hefur varla misst úr leik eða mínútu. síðan hún spilaði sinn fyrsta leik með meistaraflokki fyrir tíu árum.Meira -
Krúttfrétt vikunnar!
feykir.is Skagafjörður, Austur-Húnavatnssýsla, Vestur-Húnavatnssýsla 06.03.2026 kl. 15.20Það var skemmtileg frétt á Facebook-síðu HSN á Norðurlandi sem okkur fannst nauðsynlegt að deila með lesendum Feykis svona rétt fyrir helgina og má segja að þetta sé krúttfrétt vikunnar.Meira -
Varhugaverðar hugmyndir ráðherra um breytingar á raforkulögum | Friðrik Már Sigurðsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.03.2026 kl. 15.17Jóhann Páll Jóhannsson, umhverfis-, orku- og loftslagsráðherra, hefur kynnt hugmyndir um róttækar breytingar á raforkulögum. Samkvæmt þeim yrði ríkinu og fyrirtækjum þess veittar auknar heimildir til að hraða innviðaframkvæmdum og „ryðja hindrunum úr vegi“ sem taldar eru hamla framgangi orkuflutnings. Þessi grein er ekki skrifuð í þeim tilgangi að gera lítið úr mikilvægi þess að efla raforkuflutningskerfið.Meira
