Við munum ekki lengur geta haldið uppi óbreyttri þjónustu
–Við erum orðin vön niðurskurði og höfum þurft að sjá á eftir góðu fólki. Hjá stofnuninni er trútt og tryggt starfsfólk og er starfsaldur óvíða jafn hár. Við höfum reynt að hlaupa hraðar og leggja ? okkur öll fram til þess að þjónusta notenda skerðist sem minnst. Það er ljóst að það mun breytast og við munum ekki geta lengur haldið óbreyttri þjónustu. Það er eins gott að eftir áramót handleggsbrjóti fólk sig ekki eftir klukkan fjögur á daginn, sagði Guðbjörg Árnadóttir, fulltrúi starfsmanna á fjölmennum borgarafundi á Sauðárkróki í gærkvöld.
Einróma niðurstaða fundarins var að hafna þeim skipulagsbreytingum sem fjárlagafrumvarp ársins 2011 boðar í heilbrigðisþjónustu á Íslandi.
Ávörp á fundinum fluttu þau Hafsteinn Sæmundsson, forstöðumaður heilbrigðisstofnunarinnar á Sauðárkróki, Guðbjörg Árnadóttir, fulltrúi starfsmanna, Helga Sigurbjörnsdóttir frá Hollvinasamtökum HSK, og Bjarni Jónsson formaður Byggðaráðs Skagafjarðar.
Í ávarpi Guðbjargar kom fram að í fyrra þegar þáverandi ráðherra hafi boðað að nú væri komið gott hafi starfsfólk lagst á eitt til þess að láta enda ná saman. Lagt á sig aukastörf til þess að fækka vöktum og láta þetta ganga. Álagið hafi á stundum verið ómannúðlegt og ljóst að lengra verði ekki hægt að ganga.
Jafnframt kom fram í máli Guðbjargar að með niðurskurði af þessari stærðargráðu sé ljóst að þrengja þurfi að fólki og ekki verði lengur hægt að framfylgja þeirri stefnu að leifa eldri borgurum sem á stofnuninni búa að vera einum í stofu. –Fólk sem liggur banaleguna mun þurfa að fara burt frá öllu sínu til þess að deyja, sagði Guðbjörg.
Bjarni Jónsson bað þann þingmann í salnum sem styddi þessar niðurskurðar tillögur að standa upp, þar sem enginn stóð upp sagðist Bjarni líta svo á að enginn þingmannanna styddi framlagðar tillögur um niðurskurði í heilbrigðiskerfinu.
Þingmennirnir Einar Guðfinnsson, Ásbjörn Óttarsson, Guðmundur Steingrímsson, Ásmundur Einar Daðason, Ólína Þorvarðardóttir og Gunnar Bragi Sveinsson og Jón Bjarnason tóku öll til máls en til þess að gera langa sögu stutta höfðu þau öll sömu sögu að segja. Ekkert þeirra styður framkomnar tillögur.
Fjarverandi voru þau Lilja Rafney Jónsdóttir og Guðbjartur Hannesson.
Mikill baráttuandi var á fundinum og voru fundarmenn á einu máli um að niðurstöðu draga að fjárlögum yrði ekki unað. Þá vísuðu fundarmenn á bug þeirri kenningu þingmanna að þarna væri höfuðborgarsvæðið að kvelja landsbyggðina enda hafi fjárlagafrumvarpið verði lagt fram af ríkisstjórn Íslands en ekki höfuðborgarbúum.
Fleiri fréttir
-
Vatnsnes Trail Run Utanvegahlaup
feykir.is Íþróttir, Vestur-Húnavatnssýsla 22.07.2025 kl. 10.40Einn af fjölmörgum áhugaverðum viðburðum á Eldi í Húnaþingi er „Vatnsnes Trail Run” sem er utanvegahlaup í Húnaþingi vestra. Hlaupið fer fram á föstudaginn 25.7. Boðið er upp á þrjár vegalengdir: 20+ km, 10km og fjölskylduhlaup. Í 10 km og 20+ km hlaupunum verður hlaupið frá Félagsheimilinu á Hvammstanga fallega leið upp í Kirkjuhvamm og svo halda leiðirnar áfram upp fjallið. í 1,5 km fjölskylduhlaupinu er einnig hlaupið frá Félagsheimilinu á Hvammstanga. Skemmtilegur viðburður fyrir náttúruunnendur og hlaupara á öllum getustigum.Meira -
Frábært framtak á folf-vellinum á Hvammstanga
feykir.is Vestur-Húnavatnssýsla, Mannlíf, Lokað efni 22.07.2025 kl. 10.16Sagt er frá því á vef Húnaþings vestra að nú á dögunum tóku nokkrir vaskir menn sig saman og smíðuðu palla á folf-völlinn á Hvammstanga. „Það er ánægjulegt að sjá svona frumkvæði hjá þessum óeigingjörnu sjálfboðaliðum. Sveitarfélagið færir öllum hlutaðeigandi sínar bestu þakkir,“ segir í fréttinni.Meira -
Ingibergur bar sigur úr býtum á Opna Húnavökumótinu
feykir.is Austur-Húnavatnssýsla, Íþróttir, Lokað efni 22.07.2025 kl. 08.38Opna Húnavökumót Golfklúbbsins Óss á Blönduósi í samstarfi við Borealis fór fram laugardaginn 19. júlí í mildu veðri á Vatnahverfisvelli. Alls voru 27 keppendur skráðir til leiks og var ræst út stundvíslega kl. 10 af formanni klúbbsins, Eyþóri Franzsyni Wecher, og mótastjóra, Valgeiri M. Valgeirssyni. Leiknar voru 18 holur í punktakeppni með forgjöf í einum flokki.Meira -
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira -
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld, 21. júlí, kl: 20:00.Meira
