Viltu gefa veglega jólagjöf?
Skagfirðingabúð og Sögufélag Skagfirðinga efna til gjafaleiks fyrir jólin þar sem verðlaunin eru öll níu bindi Byggðasögu Skagafjarðar. Til að taka þátt þarf að leggja leið sína í Skagfirðingabúð og skrá nafn þess sem þú vilt gefa og láta í pott sem verður dregið úr á Þorláksmessu. Sá hinn heppni fær gjöfina keyrða heim til sín fyrir jólin.
Níunda bindi Byggðasögu Skagafjarðar fjallar um Holtshrepp. Samtals 50 býli í Stíflu og Fljótum, ásamt sveitarfélagslýsingu, auk þess sem þrjár jarðir í Úlfsdölum fá umfjöllun.
Í texta og myndmáli er fjallað um þær jarðir sem verið hafa í ábúð á árabilinu 1781-2019. Hverri jörð er lýst, bygginga getið og tafla fylgir yfir fólk og áhöfn á tímabilinu 1703-2019. Eignarhald og saga jarðanna er rakin frá því þær koma fyrst við heimildir. Öllum fornbýlum og seljum er lýst og GPS- stöðuhnit þeirra tilgreind.
Ábúendatal frá tímabilinu 1781-2019 fylgir jarðarlýsingum, auk fjölda innskotsgreina; þjóðsögur, vísur og frásagnir af fólki og fyrirbærum. Rík áhersla er lögð á myndefni. Ljósmynd af hverju býli og núverandi ábúendum, auk fjölda annarra mynda og teikninga sem sýna atvinnuhætti, fornar minjar, torfbæi og markverða staði.
Bókin er 496 blaðsíður með 776 ljósmyndum, kortum og teikningum, ljósmyndaskrá er í bókarlok.
Fleiri fréttir
-
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.