Skagafjörður

Lagið „Jólin koma“ eftir Kristján Bjarna Halldórsson og Reyni Snæ Magnússon komst í úrslit í Jólalagakeppni Rásar 2. Það var eitt af sjö lögum sem komst áfram en 60 lög voru send inn í keppnina. Lögin verða spiluð á Rás 2 næstu dagana og hlustendur geta tekið þátt í atkvæðagreiðslu. Sigurlagið verður svo tilkynnt sem jólalag Rásar 2 árið 2016.

Á fundi byggðarráðs Sveitarfélagsins Skagafjarðar sl. fimmtudag var lögð fram tillaga um að gerð yrði breyting á framkvæmdaáætlun eignasjóðs 2016 þannig að 140 milljónir króna yrðu fluttar af framkvæmdum við sundlaug á Sauðárkróki yfir á nýtt verkefni, gervigrasvöll á íþróttasvæðinu á Sauðárkróki.

Inn á afgreiðslu Nýprents kom maður með bíllykil sem hann hafði fundið í Raftahlíðinni á Sauðárkróki. Á lyklinum er Toyotamerki auk annars merkis á lyklakippunni sjálfri sem eigandi getur veitt upplýsingar um til að sanna eignarhald sitt.

Í nýrri skýrslu frá efnahagssviði Samtaka atvinnulífsins um stöðu atvinnulífsins er lagt til að sveitarfélögum verði fækkað úr 74 í níu. Lagt er til að Norðurland vestra, frá vestanverðum Tröllaskaga að Borðeyri, verði eitt sveitarfélag. Vísir.is greindi frá þessu í dag.

Ungmennafélagið Tindastóll hefur tekið í notkun nýja heimasíðu en með henni er vonast til að upplýsingaflæði til foreldra og iðkenda muni batna frekar. Komnar eru inn helstu upplýsingar um starfsemi deildarinnar og allra flokka og verður heimasíðan uppfærð reglulega.

Tindastólsmenn sóttu spræka Þórsara heim til Akureyrar í dag og var leikurinn liður í 16 liða úrslitum Maltbikarsins. Það var því sannkallaður Norðurlandsslagur sem boðið var upp á og stóð hann undir nafni því baráttan var í algleymingi. Stólarnir voru yfir í hléi en heimamenn komu einbeittir til leiks í síðari hálfleik og á lokamínútum leiksins reyndust þeir sterkari og sigruðu 93-81.

Karólína í Hvammshlíð varð til þegar hin þýsk-ættaða Caroline Kerstin Mende festi kaup á eyðijörðinni Hvammshlíð á síðasta ári og breytti nafni sínu á Fésbókinni til samræmis við ný heimkynni. Aðkoma að bænum er frá Þverárfjallsvegi þar sem hann hæst stendur og skaflar loka fyrir umferð þegar þannig háttar veðri. Þegar blaðamaður Feykis fór þar um eitt sinn velti hann vöngum yfir því hvernig það væri að búa á slíkum stað, hvort ekki væri veður ill á vetrum með ófærð og tilheyrandi einangrun. Til að komast að því heimsótti hann húsfrúna einn dumbungsdag í nóvember, fékk kaffi og spurði hana út í hennar hugarefni.

Mikill metnaður er í útsendingum frá heimaleikjum Tindastóls í körfunni hjá Tindastóll TV og nýtur mikilla vinsælda. Sýnt er beint frá leikjunum en einnig er hægt að nálgast þá eftir á. Sem dæmi hafa yfir 1200 manns horft á leikinn sem framfór í gærkvöldi. Þá hafa lýsendur fengið góða dóma fyrir sitt hlutverk en nú hefur Eysteinn Ívar fengið óvænta athygli.

Skalla-Grímur gamli hefði sjálfsagt hrist hausinn yfir frammistöðu sveitunga sinna hefði hann verið í Síkinu í kvöld. Þeir voru næstbestir á öllum sviðum körfuboltans en Tindastólsmenn keyrðu yfir gestina frá fyrstu mínútu og þeir sáu aldrei til sólar. Leikurinn var hin besta skemmtun fyrir kröftuga og káta stuðningsmenn Stólanna sem sigruðu örugglega, 97-75.

Það verður mögnuð jólastemning í „gamla Lýdó“ á sunnudaginn kemur. Þá ætla Kvenfélag Lýtingsstaðahrepps, Rúnalist og Lýtingsstaðir að standa fyrir jólamarkaði í Árgarði og opnu húsið hjá Rúnalist og í Torfhúsinu á Lýtingsstöðum.