Á íslensku má alltaf finna svar!
„Á íslensku má alltaf finna svar,“ las frú Vigdís Finnbogadóttir fyrrverandi forseti Íslands í gærmorgun inn á tölvuforrit sem safnar röddum Íslendinga til að nota í samskiptum við snjalltæki framtíðarinnar. Forseti Íslands, Guðni Th. Jóhannesson, Lilja Alfreðsdóttir, mennta- og menningarmálaráðherra og Halldór Benjamín Þorbergsson, framkvæmdastjóri Samtaka atvinnulífsins lásu svo hinar þrjár línurnar úr kvæði Þórarins Eldjárn um íslenskuna. Þannig lána þau sínar raddir til máltæknilausna sem nú eru í smíðum.
Raddsýnasöfnunin fór fram við upphaf ráðstefnu sem haldin var í Veröld – húsi Vigdísar í gær og segir í fréttatilkynningu frá mennta- og menningarmálaráðuneytinu að vægi tungumálsins aukist stöðugt í samskiptum okkar við tölvur og tæki. Máltækni fangar samvinnu og samspil tungumálsins og tölvutækninnar en þróun hennar miðar að því að tryggja framtíð íslenskunnar í stafrænum heimi. Á ráðstefnunni komu fyrirtæki og fræðimenn saman til þess að greina þau tækifæri sem máltækni fyrir íslensku felur í sér fyrir ýmsar tegundir þjónustu. Lilja Alfreðsdóttir mennta- og menningarmálaráðherra ávarpaði ráðstefnuna og sagði meðal annars:
„Ég vil hvetja alla til að ljá íslenskri máltækni raddir sínar á vefsíðunni samrómur.is og taka þannig þátt í máltækniverkefninu. Stjórnvöld leggja áherslu á uppbyggingu innviða, nýsköpun og samstarf með því verkefni en afurðir máltækniverkefnisins verða tæknilausnir sem munu hjálpa okkur að tryggja stafræna framtíð móðurmálsins.“
Meðal þess sem fræðast mátti um á ráðstefnunni var máltækni í fjármálaþjónustu og fjölmiðlun og notkun raddgreiningar í heilbrigðisþjónustu. Nemendur við Háskóla Íslands og Háskólann í Reykjavík taka þátt í þeim hluta máltækniverkefnisins sem snýr að söfnun sýnishorna af málnotkun almennings en nánar má fræðast um það verkefni á vefnum www.samromur.is.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.