Glitraðu með einstökum börnum á morgun, 29. febrúar
Á morgun, 29. febrúar 2024, er alþjóðadagur sjaldgæfra sjúkdóma og hefur félag Einstakra barna óskað eftir að fólk glitri þeim til stuðnings. Þá verður málþingið Við höfum rödd – er þú að hlusta? einnig haldið á morgun á Hilton Reykjavík Nordica kl. 12:30-15:30 og eru allir velkomnir á það og fer skráning fram á heimasíðu félagsins, einnig er hægt að skanna QR kóða sem er inni í fréttinni sem fer með þig beint á skráningarsíðuna.
Félag Einstakra barna hvetur alla til að sýna stuðning og samstöðu við þá sem lifa með sjaldgæfa sjúkdóma eða heilkenni með því að ,,glitra með þeim“ þann
29. febrúar. Glitraðu með þeim með því að klæðast einhverju glitrandi eins og glimmeri og pallíettum. Allt sem er litríkt og glitrar er skemmtilegt og minnir á að börn eru alls konar. Þá óska þau eftir að allir sem glitra verði sýnileg með því að deila glitrandi myndum á samfélagsmiðlana og merkja félaginu @einstokborn #einstok.born #rarediseaseday #glitraðu. Með þátttöku sem flestra í þessari vitundavakningu vekja þau meiri athygli á að hátt í 700 börn og ungmenni glíma við erfiðar og fátíðar greiningar sem afar fáir þekkja eða skilja.
Ef einhverjar frekari upplýsingar vantar þá má gjarnan hafa samband við okkur hjá Einstökum börnum, stuðningsfélag á netfangið – einstokborn@einstokborn.is
Tökum þátt og glitrum saman!
Fleiri fréttir
-
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira -
Halla Hrund á Norðurlandi vestra í dag
feykir.is Skagafjörður, Austur-Húnavatnssýsla, Vestur-Húnavatnssýsla 29.04.2024 kl. 11.41Forsetaframbjóðandinn Halla Hrund Logadóttir verður á ferð og flugi um Norðurland í vikunni og býður heimamönnum til opinna funda og samtals um embætti forseta Íslands. Tveir fundir verða í Húnavatnssýslum, í Víðigerði og á Blönduósi í dag og þá verður hún á Sauðárkróki í kvöld.Meira -
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.