Græn stemmning við vigtarskúrinn
Föstudaginn 14. júní sl. var Gróðurhúsið Reykjum í Hrútafirði með sína árlegu sölu við vigtarskúrinn hjá KVH á Hvammstanga. Hulda Einarsdóttir, hjá gróðurhúsinu, segir söluna hafa gengið mjög vel og að töluverð stemmning myndist við vigtarskúrinn.
"Sumir bíða hreinlega eftir þessu og svífa strax á blómin, nærri því áður en við náum þeim öllum út úr kerrunni", sagði Hulda í viðtali við Norðanátt.is í gær.
Gróðurhúsið Reykjum. Mynd: Norðanátt.is
Gróðurhúsið Reykjum ræktar allar algengustu tegundir af sumarblómum, matjurtir (þ.e.a.s. salat- og káltegundir til framhaldsræktunar), kryddjurtir, jartðarberjaplöntur og berjarunna. Einnig selja þau tré og runna sem ræktuð eru norðanlands, fjölær blom, potta og Hrútfirska mold. "Svo má ekki gleyma gulrótunum, sem sáð var til í lok janúar og við förum að uppskera nú bráðlega", bætir Hulda við.
Hulda segir ræktunina hafa gengið vel í vor. "Maí var reyndar frekar sólarlítill og kaldur mánuður, eins og oft áður, en á móti kom að júní er búinn að vera mjög mildur og það þýðir aukin sala á plöntum."
Gróðurhúsið Reykjum er opið alla daga í júní frá 14.00-18.00.
Í júlí er opið eftir samkomulagi.
Fleiri fréttir
-
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira -
Þurfum ekki neitt
feykir.is Skagafjörður, Listir og menning 21.07.2025 kl. 10.45Í sumar hafa Una Torfa og Hafsteinn Þráinsson, einnig þekktur sem CeaseTone, verið á músíkkölsku ferðalagi. Parið hefur marga músíkfjöruna sopið, þau hafa flakkað um landið og flutt lög í stórum sölum og litlum kirkjum, fyrir fólk á öllum aldri á blíðviðriskvöldum og í óveðri. Núna er komið að Sauðárkrókskirkju í kvöld,21 júli, kl: 20.00Meira -
Frímann og Stjarni
feykir.is Skagafjörður, Hestar, Lokað efni 20.07.2025 kl. 19.00Hér hefur göngu sína nýr þáttur í Feyki en hann nefnist: Sögur af mönnum og hestum. Umsjón hefur Hinrik Már. Það er Eiríkur Jónsson frá Dýrfinnustöðum, nú Óðalsbóndi í Svíþjóð, sem segir hér frá Frímanni á Syðri-Brekkum og hesti hans Stjarna.Meira -
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík í Húnaþingi vestra og spurði hana út í þetta ævintýri.Meira
