Heima í stofu á Sauðárkróki
Viðburðarséni okkar Skagfirðinga, Áskell Heiðar Ásgeirsson, stendur nú, ekki í fyrsta skipti, fyrir nýung í tónleikahaldi á Sauðárkróki í komandi Sæluviku. Um er að ræða svokallaða heimatónleika.
Hér er ekki verið að finna upp hjólið heldur á þetta form tónleika sér fyrirmynd á Íslandi, í Hafnarfirði, Akranesi og Reykjanesbæ. Þar sem þetta hefur vaxið ár frá ári og verið mjög vinsælt. Þetta er heldur ekki sér íslenskt fyrirbæri heldur þekkt víða um heim. Blaðamaður hitti Áskel Heiðar yfir kaffibolla og bað hann að leiða sig í allan sannleikann sem er um þessa spennandi tónleika.
Það verða þau Sigurlaug Vordís og Fúsi, Geirmundur Valtýsson, Malen, Sigvaldi, Magni og Jónas Sigurðsson með Adda og Guðna sem halda tónleika kvöldsins í sex mismunandi heimahúsum á Sauðárkróki. Það er einn miði sem gildir í öll hús og tónleikarnir byrja ekki allir á sama tíma þannig að gestum gefst kostur á að sjá sem flesta. Nákvæm stundaskrá verður gefin út með staðsetningu viðburða, listamannanna og tímasetningu tónleika þegar nær dregur. Tónleikarnir verða 30. apríl, á þriðjudegi, sem kann að hljóma svolítið skrítið en daginn eftir verður frí í boði verkalýðshreyfingarinnar.
Þegar Heiðar er spurður hvort vel hefði gengið að fá fólk til að bjóða heim sagði hann svo vera, það hefði gengið vonum framar, en ennþá væri mögulega laust eitt pláss ef einhver sem þetta les hefur alltaf dreymt um að halda tónleika heima í stofunni hjá sér, má sá hinn sami setja sig í samband við Heiðar. Svo er ekki nóg með að við getum notið listamannanna í heimahúsum Sauðkrækinga heldur verður eitt allsherjar partý að loknum heimatónleikum þar sem allir koma saman, listamennirnir og þeir sem eiga miða, og skemmta sér fram eftir nóttu.
Miða á þennan skemmtilega viðburð er hægt að nálgast HÉR.
Nánara viðtal við Áskel Heiðar er að vænta í Feyki.
Fleiri fréttir
-
Undirbúningur að uppsetningu á nýstárleg gróðurstöð í Miðfirði í fullum gangi
feykir.is Vestur-Húnavatnssýsla 05.05.2024 kl. 10.29Fulltrúar frá Skógarplöntum ehf. ásamt Magnúsi Barðdal verkefnastjóra frá SSNV vinna nú að uppsetningu á nýstárlegri gróðurstöð til framleiðslu á skógarplöntum í Miðfirði í Húnaþingi vestra. Sagt er frá því á FB síðu SSNV að í tengslum við verkefnið hafi hópurinn farið til Svíþjóðar og Hollands á dögunum til að kynna sér aðrar sambærilegar gróðurstöðvar og skoða búnað frá framleiðendum. Verkefnið hefur verið í undirbúningi í um tvö ár og standa vonir til að framkvæmdir hefjist á árinu.Meira -
Skatastaðavirkjun í Skagafirði | Steinar Skarphéðinsson skrifar
feykir.is Skagafjörður, Aðsendar greinar 04.05.2024 kl. 14.07Skatastaðavirkjun er hugsuð til þess að virkja Austari Jökulsá í Skagafirði. Uppsett afl virkjunar er 156 MW, orkugeta 1090 GWh/ár. Til þess að svo megi verða þarf að skapa uppistöðulón á hálendinu í um 700 metra hæð yfir sjávarmáli. Þetta lón kæmi til með að verða um það bil 26,3 km2eða um það bil helmingi minna en Blöndulón. Öll aðrennslisgöng að og frá stöðvarhúsi eru fyrirhuguð neðanjarðar þannig að með góðum frágangi ættu ekki að verða mikil náttúruspjöll.Meira -
Nýframkvæmdir fyrir einn og hálfan milljarð á árinu
feykir.is Skagafjörður, Mannlíf, Lokað efni 04.05.2024 kl. 13.55Feykir sendi Sigfúsi Inga Sigfússyni, sveitarstjóra Skagafjarðar, spurningar þar sem forvitnast er um nokkur helstu verkefni sveitarfélagsins og mál sem verið hafa í umræðunni, eins og byggingu menningarhúss á Sauðárkróki og íþróttahús við Grunnskólann austan Vatna. „Verkefnin eru mörg og margvísleg en framkvæmdir eru eitthvað sem flestir hafa áhuga á,“ segir Sigfús Ingi þegar hann er spurður út í helstu verkefni ársins hjá Skagafirði...Meira -
Aþena nældi í sigur þrátt fyrir magnaða endurkomu Stólastúlkna
feykir.is Skagafjörður, Íþróttir 04.05.2024 kl. 12.33„Við erum staðráðnar í að svara fyrir okkur á þriðjudaginn og ég skora á alla Tindastólsmenn að mæta í Síkið og fylkja sér að baki okkar og aðstoða okkur við að vinna þann leik svo við getum farið í hreinan úrslitaleik eftir það,“ sagði Helgi þjálfari Margeirs eftir grátlega naumt tap gegn liði Aþenu í Breiðholtinu í gærkvöldi. Eftir magnaða endurkomu Stólastúlkna þar sem þær unnu upp níu stiga mun á 85 sekúndum undir lok leiksins þá var það Sianni Martin sem gerði sigurkörfu Aþenu með erfiðu skoti sem hún setti í. Lokatölur 80-78.Meira -
Minnisvarði um örlög séra Odds og Solveigar afhjúpaður
feykir.is Skagafjörður, Listir og menning 04.05.2024 kl. 11.42Frá því Agnar Gunnarsson flutti í Miklabæ í Blönduhlíð fyrir tæplega fjörtíu árum hafa honum verið hugleikin hin dapurlegu örlög sr. Odds og Solveigar. Agnar segir söguna af þeim hafa á sér þjóðsagnablæ, sem hefur lifað allt frá síðari hluta 18.aldar. Agnari langaði að minningu þeirra yrði haldið á lofti inn í komandi tíma og hefur af því tilefni látið gera minnisvarða sem vígður var við hátíðlega athöfn laugardaginn 27. apríl.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.