Hjörvar Halldórsson ráðinn sviðsstjóri veitu- og framkvæmdasviðs
Á heimasíðu Skagafjarðar segir að sveitarstjórn Skagafjarðar hafi ráðið Hjörvar Halldórsson í starf sviðsstjóra veitu- og framkvæmdasviðs en staðan var auglýst laus til umsóknar í janúar sl. Alls bárust sex umsóknir um stöðuna en tveir umsækjendur drógu umsókn sína til baka.
Hjörvar er með B.Sc. gráðu í véltæknifræði frá Tækniháskóla Íslands. Hann er einnig menntaður vélfræðingur, lauk D Class frá Vélskóla Íslands og er með sveinspróf í vélsmíði. Þá hefur hann setið fjölda námskeiða, m.a. í verkefnastjórnun, fjármálum, leiðtogaþjálfun og -þróun.
Hjörvar hefur starfað sem verksmiðjustjóri hjá Steinull hf. frá 2021. Þar sinnir hann m.a. viðhaldi, endurnýjun og uppfærslu framleiðslubúnaðar, húsnæðis og lóðar ásamt því að sjá um innkaup og verkefnastjórn fjárfestingaverkefna. Áður starfaði Hjörvar sem verkefnastjóri hjá Kaupfélagi Skagfirðinga tímabilið 2018-2021. Þar stýrði hann fjölþættum og margvíslegum verkefnum, t.a.m. nýbyggingum og endurbyggingu húsnæðis, stýrði breytingum og endurhönnun m.t.t. framleiðslu á ýmsum vörum en einnig sá hann um að innleiða persónuverndarmál, nýtt tölvustýrt viðhaldskerfi og fleira. Þar áður starfaði Hjörvar hjá Roche Diagnostics í Sviss, sem deildarstjóri verkfræðideildar, verkefnastjóri í sérverkefnum og sem ráðgjafi í umhverfissjálfbærni.
Hjörvar hefur víðtæka og yfirgripsmikla þekkingu og breiðan tæknilegan bakgrunn og hefur komið að rekstri alls kyns kerfa svo sem húskerfa, loftræstikerfa, kælikerfa, framleiðsluvéla, rafkerfa og öryggiskerfa. Hjörvar hefur einnig mikla reynslu af stjórnun, rekstri og áætlanagerð. Hjörvar mun taka til starfa sem sviðsstjóri veitu- og framkvæmdasviðs með vorinu og tekur við af Steini Leó Sveinssyni sem hefur gegnt stöðunni frá árinu 2020 en fer nú í önnur verkefni innan sviðssins.
Nöfn þeirra sem sóttu um stöðu sviðsstjóra veitu- og framkvæmdasviðs eru eftirfarandi, í stafrófsröð:
- Hjörvar Halldórsson – verksmiðjustjóri
- Kristbjörn J. Bjarnason – sjálfstæður ráðgjafi
- Kristinn HeiðarJakobsson – verkefnastjóri
- Luis Miguel Feijó da Cruz Queiroz – verkefnastjóri
Fleiri fréttir
-
Sýning á ljósmyndum Stebba Ped á Sæluviku
feykir.is Skagafjörður, Listir og menning 29.04.2024 kl. 08.22Við setningu Sæluviku í gær var opnuð sýning á myndum Stefáns B. Pedersen í Safnahúsi Skagfirðinga og verður hún opin á meðan á Sæluviku stendur. Í tilkynningu á vef Héraðsskjalasafns Skagfirðinga segir. „Árið 2018 afhenti Stebbi Ped, eins og hann var ávallt kallaður, ljósmyndasafn sitt til Héraðsskjalasafns Skagfirðinga. Hér er um stórt safn að ræða enda afrakstur ævistarfs Stebba sem stofnaði ljósmyndastofu á Sauðárkróki árið 1958.“Meira -
Sæluvikan var sett í dag
feykir.is Skagafjörður, Listir og menning, Mannlíf 28.04.2024 kl. 23.07Sæluvikan var sett í dag við athöfn í Safnahúsi Skagfirðinga við Faxatorgið á Króknum, Það var fullur salur og góð stemning. Á samkomunni var tilkynnt um hverjir hlutu Samfélagsverðlaun Skagafjarðar 2024 og úrslit í Vísnakeppni Safnahússins. Nemendur í Tónlistarskóla Skagafjarðar léku við hvurn sinn fingur og opnuð var ljósmyndasýning með myndum Stefáns heitins Pedersen.Meira -
„Þau eru ein af ástæðum þess að það er gott að búa í Skagafirði“
feykir.is Skagafjörður, Listir og menning, Mannlíf 28.04.2024 kl. 20.02Við setningu Sæluvikunnar í dag voru afhent Samfélagsverðlaun Skagafjarðar 2024 en verðlaunin eru þakklætisvottur samfélagsins til einstaklinga, fyrirtækja stofnana eða félagasamtaka sem þykja hafa staðið sig vel í eða efla skagfirskt samfélag. Að þessu sinni voru það hjónin Ragnheiður Ásta Jóhannsdóttir og Árni Björn Björnsson, oft kenndur við Hard Wok Café, sem hlutu viðurkenninguna.Meira -
Frumsýningu á Litlu hryllingsbúðinni frestað
feykir.is Skagafjörður, Listir og menning 28.04.2024 kl. 19.02Það var mikil eftirvænting eftir frumsýningu Leikfélags Sauðárkróks á Litlu hryllingsbúðinni í leikstjórn Valgeirs Skagfjörð. Frumsýna átti að hefjast kl. 20 í kvöld en eins og alltaf getur gerst þá komu upp veikindi í leikarahópnum og því hefur þurft að fresta sýningu. Samkvæmt upplýsingum Feykis verður staðan tekin að nýju á þriðjudag og þá kemur í ljós hvort hægt verið að frumsýna á miðvikudag.Meira -
Dreymdi um að vera Tico Torres / VALUR FREYR
feykir.is Vestur-Húnavatnssýsla, Tón-Lystin 28.04.2024 kl. 13.01Það er bara þannig að nýi slökkviliðsstjórinn á Hvammstanga er Hvanndalsbróðir. Við erum sem sagt að tala um Val Frey Halldórsson (árgangur 1974) trommara og söngvara. Hann gengst við því að vera hreinræktaður Akureyringur. „Alinn upp á Brekkunni og síðar Þorpari, stundum KA maður en lang oftast Þórsari. Heimasætan í Lækjarhvammi dró mig á hvítum skóm í sveitina – er enn í hvítum skóm.“ Nú býr Valur á Hvammstanga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.