Krúttlegasta hjólamótið snýr aftur í Kjarnaskóg á sunnudaginn
Hjólreiðafélag Akureyrar, Akureyrardætur og Krónan standa á ný fyrir Krónuhjólamótinu næstkomandi sunnudag. Hjólamótið er ætlað börnum á aldrinum 2 til 12 ára og verður haldið á Birkivöllum í Kjarnaskógi. Skráning er hafin og eru öll börn velkomin til þátttöku.
Mótið hefst klukkan 9 þegar yngstu þátttakendurnir leggja af stað á sparkhjólum og í kjölfarið taka eldri flokkar við. Keppt verður í sex aldursflokkum, allt frá tveggja ára börnum upp í tólf ára hjólagarpa. Foreldrar og forráðamenn mega hlaupa eða ganga með yngstu börnunum á brautinni. Í elsta aldursflokknum verður jafnframt keppt um þrjú efstu sætin í bæði stúlkna- og drengjaflokki.
Líkt og í fyrra mæta hjólakapparnir í BMX Brós og sýna hjólalistir sínar við Kjarnakot klukkan 11.
Góðar aðstæður til hjólreiða á Akureyri
Bjarni O. Einarsson hjá Hjólreiðafélagi Akureyrar segir hjólreiðar njóta mikilla vinsælda á Akureyri og að viðburðir sem þessi skipti miklu máli fyrir yngri iðkendur.„Það er frábært að sjá Krónuhjólamót Hjólreiðafélags Akureyrar og Akureyrardætra festa sig í sessi hér fyrir norðan, enda býður Akureyri upp á einstakar aðstæður til hjólreiða. Það skiptir miklu máli að börn fái tækifæri til að upplifa hjólreiðar í jákvæðu og skemmtilegu umhverfi þar sem allir geta tekið þátt á sínum forsendum. Nú er tilvalið að gera hjólin klár fyrir sumarið og mæta með fjölskyldunni í Kjarnaskóg til að njóta dagsins með okkur. Við hlökkum til að taka á móti ungum hjólagörpum á mótinu í ár og vonum að sem flestir þeirra sem tóku þátt í fyrra láti sjá sig aftur,“ segir Bjarni.
Fleiri fréttir
-
Stólastelpur frumsýna nýjan leikmann en Kormákur/Hvöt og Tindastólsmenn spila heimaleiki
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 12.06.2026 kl. 14.07Það er fótboltahelgi fram undan en ekki er nóg að yngri flokka mót er bæði á Selfossi og í Vestmannaeyjum þá eru allir meistaraflokkar Norðurlands vestra að spila um helgina. Meistaraflokkur kvenna hjá Tindastól heimsækir HK á morgun, laugardag 13. júní en Kormákur/Hvöt og meistaraflokkur karla spila bæði heimaleiki á sunnudaginn 14. júní.Meira -
Stinningskaldi í dag en útlit fyrir ágætis veður um helgina
feykir.is Skagafjörður, Austur-Húnavatnssýsla, Vestur-Húnavatnssýsla 12.06.2026 kl. 13.53Það er stinningskaldi að norðan á Króknum í dag, hitinn slagar í tíu gráðurnar en úti fyrir grillir í gráan þokubakka. Það lægir þegar líður á kvöldið og á morgun, laugardag, er gert ráð fyrir björtu veðri og stilltu og hitinn hoppar yfir í tveggja stafa tölu. Skaplegt veður verður á sunnudaginn, bjart framan af degi en þykknar upp en bjartara vestan til á Norðurlandi vestra.Meira -
Brautskráning nemenda í Fiskeldis- og fiskalíffræði og Ferðamálafræði
feykir.is Skagafjörður, Lokað efni 12.06.2026 kl. 12.34Alls voru 20 kandidatar brautskráðir frá Fiskeldis- og fiskalíffræðideild og Ferðamáladeild við hátíðlega athöfn á Hólum þann 5. júní. Við sama tilefni var þess minnst að 30 ár eru liðin frá því fyrstu nemendurnir hófu nám í ferðamálafræði við Háskólann á Hólum en það nám lagði grunninn að því BS námi sem nú er í boði í ferðamálafræði við Háskólann á Hólum.Meira -
Björnis brunabangsi heimsækir Krókinn eftir viku
feykir.is Skagafjörður, Mannlíf 12.06.2026 kl. 10.22Gaman er að segja frá því að Björnis brunabangsi ætlar að kíkja í heimsókn til Skagafjarðar dagana 19. og 20. júní nk. Björnis hefur undanfarið verið öllum slökkviliðum landsins til aðstoðar við fræðslu og forvarnarstarf, einkum þegar kemur að fræðslu fyrir yngstu kynslóðina.Meira
