Má bjóða þér á Sturluhátíð í Dölunum 11. júlí? | Einar K. Guðfinnsson skrifar
Eitt tilhlökkunarefni hvers sumars er Sturluhátíðin, sem ár hvert er haldin annan laugardag í júlí sem að þessu sinni ber upp á laugardaginn 11. júlí nk. Sturluhátíðin er kennd við sagnaritarann Sturlu Þórrðarson sem bjó á Staðarhóli, Saurbæ í Dölum.
Hátíðin sjálf verður í íþróttahúsinu að Laugum í Sælingsdal. Undanfarin ár hefur hún verið ótrúlega fjölsótt; allt að 200 manns eða svo hafa sótt okkur heim, sem sýnir svo ekki verður um villst, að efnið höfðar til fjölbreytilegs hóps fólks um land allt.
Aðgangurinn að hátíðinni er ókeypis sem og kaffiveitingar sem í boði eru, að að góðum og gömlum íslenskum sveitasið.
Félagið sjálft er fjármagnað af sjálfsaflafé. Annars vegar með vægu félagsgjaldi. Mjólkursamsalan hefur einnig aðstoðað okkur og svo höfum við notið stuðnings styrktaraðila í héraði sem lagt hafa menningarstarfi á Vesturlandi lið. Fyrir þetta erum við afar þakklát enda er þessi stuðningur forsenda þess að geta staðið fyrir hátíðinni.
Sturlufélagið hefur staðið fyrir ýmiss konar uppbyggingu að Staðarhóli. Bílastæði hefur verið gert og við höfum sett upp sjö metnaðarfull og aðgengileg söguskilti sem varpa skýru ljósi á sögu Staðarhóls og nágrennsis. - Það er því svo sannarlega einnar messu virði að líta þar við og fræðast sem í sjónhendingu um hina einstöku sögu sem héraðið hefur að geyma.
Þau sem það kjósa, hittast kl. 14 þennan dag á Staðarhóli, þar sem við svipumst um og fræðumst um Sturlu Þórðarson og afrek hans.
Hin formlega dagskrá Sturluhátíðarinnar hefst kl 15 í íþróttahúsinu að Laugum í Sælingsdal.
DAGSKRÁ:
Erindi og tónlist:
Úlfar Bragason, prófessor emiritus:
Fróður maður og vitur: Sturla Þórðarson (1214 – 1284)
Valgerður Kr. Brynjólfsdóttir, íslenskufræðingur og verðlaunahafi Hagþenkis 2026:
Skopast að lífi breiðfirskra aðalskvenna á 15. öld — Rímurnar af Mábil sterku.
Torfi Tulinius, prófessor:
Sálirnar og beinin. Um Sturlu Þórðarson og Grettis sögu.
Soffía Meldal Kristjánsdóttir syngur við undirleik Benóní Meldal Kristjánssonar.
Aðgangur að hátíðinni er ókeypis eins og jafnan áður. Sturlufélagið býður upp á kaffiveitingar að vanda.
Aðalfundur Sturlufélagsins verður haldinn að lokinni formlegri dagskrá hátíðarinnar.
Einar K. Guðfinnsson, formaður Sturlufélagsins
Fleiri fréttir
-
Svavar Pálsson ráðinn sveitarstjóri Húnabyggðar.
feykir.is Austur-Húnavatnssýsla, Mannlíf, Lokað efni 29.06.2026 kl. 15.16Sveitarstjórn Húnabyggðar samþykkti á aukafundi sínum þann 29. júní 2026 að ráða Svavar Pálsson í starf sveitarstjóra Húnabyggðar en frá þessu segir á heimasíðu sveitarfélagsins. Svavar tekur við starfinu 1. október 2026. Hann er fæddur og uppalinn á Blönduósi og þekkir því vel til sveitarfélagsins og samfélagsins.Meira -
Háskóli Íslands á Hólum
feykir.is Skagafjörður, Austur-Húnavatnssýsla, Vestur-Húnavatnssýsla 29.06.2026 kl. 14.55Formleg stofnun háskólasamstæðu Háskóla Íslands fór framí dag að Hólum í Hjaltadal. Þar undirrituðu Logi Einarsson, menningar-, nýsköpunar- og háskólaráðherra, Silja Bára Ómarsdóttir, rektor Háskóla Íslands og Hólmfríður Sveinsdóttir, rektor Háskólans á Hólum, samning um stofnun samstæðunnar. Í upphafi júnímánaðar samþykkti Alþingi frumvarp um háskólasamstæður sem felur í sér að Háskóli Íslands og Hólaskóli – Háskólinn á Hólum mega mynda saman háskólasamstæðu undir merkjum Háskóla Íslands og tekur hún formlega til starfa þann 1. júlí.Meira -
Sýning til heiðurs Agnesi í Listakoti Dóru
feykir.is Austur-Húnavatnssýsla, Aðsendar greinar, Vestur-Húnavatnssýsla, Listir og menning 29.06.2026 kl. 14.01Húnvetnska listakonan Dóra Sigurðardóttir í Vatnsdalshólum opnar sýninguna Agnes Magnúsdóttir – Líf og störf í Listakoti Dóru laugardaginn 4. júlí kl. 13:00. Agnes var frægust fyrir að vera síðasta konan sem var tekin af lífi á Íslandi.Meira -
Gott gengi hjá keppnisliði USVH á Landsmóti UMFÍ 50+
feykir.is Íþróttir, Vestur-Húnavatnssýsla, Mannlíf 29.06.2026 kl. 10.07Landsmót Ungmennafélags Íslands fyrir 50 ára og eldri fór fram á Hrafnagili um helgina. Á vefsíðu Húnaings vestra kemur fram að keppnislið USVH hafi gert góða ferð á mótið en þau komu heim með fjölmörg verðlaun.Meira
