Norðvesturdeildin í minnibolta krakka í undirbúningi
Rúnar Birgir Gíslason körfuknattleiksáhugamaður og fleiri áhugasamir aðilar, vinna nú að því að stofnuð verði sérstök keppnisdeild í minnibolta krakka í körfuknattleik, en svo kallast körfubolti fyrir krakka 11 ára og yngri.
Markmiðið með deildinni er að sögn Rúnars, að búa til skemmtilegan mótavettvang fyrir krakka á svæðinu, þar sem þau þurfi hvorki að ferðast um langar leiðir til að keppa eða greiða mikinn ferðakostnað.
- Hér eru góðar aðstæður fyrir körfuboltaiðkun á svæðinu, íþróttahús í hverju plássi, eða í það minnsta lágmarksaðstaða, en það þarf í raun ekki meira en eina körfu og einn bolta til að geta haldið úti körfuboltaæfingum. Við höfum sent bréf á fjölda skóla og íþróttafélög allt frá Siglufirði og yfir í Vestur-Húnavatnssýslur og vonumst til þess að undirtektir verði góðar, segir Rúnar. Hann segir að aðeins þurfi 5 leikmenn til að búa til lið og því henti körfuboltinn smærri samfélögum ákaflega vel.
Hugmyndin er að halda 2 mót í vetur á meðan þetta er að komast af stað og er gert ráð fyrir því að mótin verði haldin til skiptis á þátttökustöðunum.
- Við erum að kalla eftir viðbrögðum frá þessum aðilum og það þarf í raun ekki nema 3-4 aðila í upphafi til að það verði mótahæft, segir Rúnar að lokum.
Áhugasamir geta snúið sér til Rúnars, í síma 618 4910 eða á netfanginu runar@mikkivefur.is.
Fleiri fréttir
-
Formaðurinn skoraði í sigurleik á Króknum
feykir.is Skagafjörður, Íþróttir, Lokað efni 16.07.2025 kl. 23.57Það verður ekki annað sagt en að Fótbolti.net bikarinn er hið besta uppbrot fyrir neðri deildar liðin í boltanum. Bikarkeppnir eiga það til að bjóða upp á óvænt úrslit og kannski enn frekar þegar komið er í neðri deildirnar. Í kvöld tóku Tindastólsmenn, sem eru um miðja 3. deild sem stendur, á móti einu af toppliðunum í 3. deild, Þrótti úr Vogum. Og já, Stólarnir gerðu sér lítið fyrir og unnu hörkuleik og eru því komnir í átta liða úrslit.Meira -
Arkís arkitektar urðu fyrir valinu með hönnun á menningarhúsi á Króknum
feykir.is Skagafjörður, Listir og menning, Lokað efni 16.07.2025 kl. 16.57Á fundi byggðarráðs Skagafjarðar í morgun var lagt fram bréf frá matsnefnd sem fór yfir tillögur þeirra bjóðenda sem tóku þátt í útboðinu „Menningarhús í Skagafirði – Hönnun nýbyggingar og endurbóta á eldra húsnæði“ ásamt yfirliti yfir mat á tillögum bjóðenda. Tillaga matsnefndar var að á grundvelli matsins verði gengið til samninga við Arkís arkitekta ehf., sem hlaut flest stig m.t.t. valforsendna útboðs fyrir verðtilboð og gæðaþætti.Meira -
Það er örugglega allt þokunni að þakka
feykir.is Skagafjörður, Austur-Húnavatnssýsla, Vestur-Húnavatnssýsla 16.07.2025 kl. 14.39Í fréttum í vikunni var sagt frá því að varað væri við bikblæðingum um land allt. Þegar umferðarkort Vegagerðarinnar er skoðið þá lítur út fyrir, í það minnsta í dag, að engar bikblæðingar geri ökuþórum lífið leitt á Norðurlandi vestra. Eingöngu er varað við steinkasti í Blönduhlíðinni í Skagafirði en þar hefur verið unnið að því að leggja klæðingu á smá kafla á þjóðvegi 1.Meira -
Húnavaka, gleði og fjör
feykir.is Austur-Húnavatnssýsla, Mannlíf, Lokað efni 16.07.2025 kl. 14.20Hin árlega Húnavaka verður haldin á Blönduósi um næstu helgi. Mikið verður um dýrðir og margt í boði. Feykir hafði samband við Kristínu Ingibjörgu Lárusdóttur, Menningar- og tómstundarfulltrúa á Blönduósi og lagði fyrir hana nokkrar spurningar.Meira -
Eldur í Húnaþingi mun loga 22. til 27. júlí
feykir.is Vestur-Húnavatnssýsla, Mannlíf, Lokað efni 16.07.2025 kl. 12.00Eldur í Húnaþingi er árleg hátíð á Hvammstanga sem hóf göngu sína árið 2003. Hátíðin hefur tekið mörgum breytingum frá því hún var fyrst haldin. Fyrst um sinn var hátíðin unglistahátíð. Þá var hún bæði skipulögð og framkvæmd af ungi fólki í Húnaþingi vestra. Með tímanum fékk hátíðin á sig fjölskyldu- og bæjarhátíðarblæ og hefur dagskráin verið breytileg með ári hverju en hún ræðst oftar en ekki af áhugasviði stjórnenda.Meira
