Prófkjör hjá sjálfstæðismönnum í Norðvesturkjördæmi
Kjördæmisráð Sjálfstæðisflokksins í Norðvesturkjördæmi ákvað á fundi sínum laugardaginn 20. mars að viðhafa prófkjör við uppröðun á framboðslista flokksins í kjördæminu dagana 16. og 19. júní nk. Haraldur Benediktsson, Þórdís Kolbrún R. Gylfadóttir og Teitur Björn Einarsson hafa öll lýst yfir framboði.
Prófkjörið fer þannig fram að kjósendur merkja við fjóra f rambjóðendur á listanum. Prófkjörið fer eftir prófkjörsreglum Sjálfstæðisflokksins og þátttaka heimil:
- a) Öllum fullgildum meðlimum sjálfstæðisfélaganna í kjördæminu sem þar eru búsettir.
- b) Þeim stuðningsmönnum Sjálfstæðisflokksins, sem eiga munu kosningarrétt í kjördæminu við kosningarnar og undirritað hafa inntökubeiðni í sjálfstæðisfélag í kjördæminu fyrir lok kjörfundar og teljast þar með komnir á flokksskrá.
Kjörnefnd mun á næstu dögum koma saman og ákveða framboðsfrest og annað í tengslum við prófkjörið. Á fundinum lýstu núverandi þingmenn flokksins, Haraldur Benediktsson og Þórdís Kolbrún Reykfjörð Gylfadóttir, varaformaður flokksins og ferðamála-, iðnaðar- og nýsköpunarráðherra, yfir framboði auk Teits Björns Einarssonar, varaþingmanns.
Fundurinn var vel sóttur, en á annað hundrað fulltrúar sátu fundinn sem fór fram á netinu. Sigríður Ólafsdóttir Víðidalstungu, var kjörin formaður kjördæmisráðs. Auk hennar voru kjörin í stjórn: Gísli Gunnarsson Skagafirði, Maggý Hjördís Keransdóttir Patreksfirði, Carl Jóhann Gränz Akranesi, Daníel Jakobsson Ísafirði, Þorsteinn Pálsson Borgarfirði, Sigríður Finsen Grundarfirði og Regína Valdimarsdóttir Skagafirði.
Varamenn eru: Steinunn Gunnsteinsdóttir Sauðárkróki, Kristín Hálfdánsdóttir Ísafirði, Magnús Brandsson Akranesi, Halldóra H. Gestsdóttir Litlu-Giljá, Hjörtur Sigurðarson Patreksfirði, Ármann Sigurðsson Búðardal, Ólafur Pálsson Haukatungu og Haraldur Jóhannesson Enni
Auk þess var kosið í miðstjórn, flokksráð og í kjörnefnd vegna komandi kosninga til Alþingis.
Áður höfðu kjördæmisráð Sjálfstæðisflokksins í Suðurkjördæmi og Norðausturkjördæmi ákveðið að viðhafa prófkjör við uppstillingu á efstu sætum framboðslista, en þau prófkjör fara bæði fram laugardaginn 29. maí nk.
/Fréttatilkynning
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.