Sofandi skipsstjórar algeng orsök skipsstranda
Frá árinu 2000 má rekja 43 skipsströnd við Ísland til þess að stjórnandi þess sofnaði, samkvæmt niðurstöðum Rannsóknarnefndar samgönguslysa. Meðalvökutími skipsstjórnenda í þessum tilfellum var um 24 klukkustundir en fór allt upp í 40 klukkustundir. Þetta kemur fram í niðurstöðum Rannsóknanefndar samgönguslysa sem sagt er frá í Morgunblaðinu í dag.
Í skýrslunni kemur fram að í langflestum tilfellum hafi verið um að ræða minni báta með fjóra eða færri í áhöfn. Oft hafi óhöpp af þessu tagi verið eitt til tvö á ári en á síðasta ári voru þau fimm og árin 2005 og 2007 voru þau fjögur talsins. Jón Arilíus Ingólfsson, rannsóknastjóri siglingasviðs, segir það vera áhyggjuefni að skipsströndum hafi fjölgað á ný á síðasta ári.
Í frétt Morgunblaðsins er vikið að strandi fiskibátsins Mars HU í maí á síðasta ári en í nýrri lokaskýrslu siglingasviðs RNSA er niðurstaðan sú að strand hans megi rekja til þess að stjórnandi bátsins sofnaði. Fram kemur að upplýsingar bendi til þess að skipstjórinn hafi verið á fótum í um 20 klukkustundir og þar af um 17 tíma á sjó þegar báturinn strandaði. Hann var að koma af grásleppuveiðum og voru þrír menn um borð og björguðust allir. Báturinn losnaði strax af strandstað en hann sökk skammt norðan við Hvammstanga.
Í ábendingu nefndarinnar er því beint til skipstjórnarmanna að farið sé eftir lögum um mönnun og útivist en í lögum um áhafnir íslenskra fiskiskipa er kveðið á um að á skipum undir 24 metrum að skráningarlengd skuli vera stýrimaður ef útivera skips fer fram úr 14 klukkustundum á hverju 24 klukkustunda tímabili. Þá hvetur nefndin stjórnendur til að nota allan þann viðvörunarbúnað sem geti komið í veg fyrir atvik sem þetta.
Í Morgunblaðinu í dag er haft eftir Ástu Þorleifsdóttuir, varaformanni fagráðs um siglingamál, að fagráðið muni efna til ráðstefnu 19. mars þar sem fjallað verður sérstaklega um þetta vandamál. Einnig verða kynntar ýmsar nýjungar sem dregið geta úr hættu á slíkum slysum. „Það sem slær mig svolítið illa er að í júlí síðastliðnum urðu sex svona strönd við góðar aðstæður. Við höfum verið ótrúlega heppin að það hafi ekki orðið nein banaslys, eftir því sem ég best veit,“ sagði Ásta sem bendir á að tjónið sé samt sem áður mikið. Bátarnir jafnvel ónýtir, fólk missi vinnuna og svona óhöpp hafi keðjuverkandi áhrif á þeim stöðum þar sem bátarnir voru gerðir út. Andleg líðan þeirra sem í þessu lenda bíði þess jafnvel aldrei bætur.
Fleiri fréttir
-
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.