Upptaka af sýndarréttarhöldum í máli sakborninga í Illugastaðamorðunum aðgengileg á vefnum
Nú má nálgast upptöku af af „nýjum réttarhöldum“ í máli Agnesar Magnúsdóttur, Friðriks Sigurðssonar og Sigríðar Guðmundsdóttir sem dóm hlutu í hinum svo kölluðu Illugastaðamálum. Voru Friðrik og Agnes dæmd til dauða fyrir morðin á Nathani Ketilssyni og Pétri Jónssyni og hálshöggvin á Þrístöpum 12. janúar 1830 en Sigríður send í ævilanga fangelsisvist í Kaupmannahöfn. Frá þessu segir á vef Samtaka sveitarfélaga á Norðurlandi vestra.
Það var Lögfræðingafélag Íslands stóð fyrir sýndarréttahöldunum þann 9. september 2017 og voru þau haldin í Félagsheimilinu á Hvammstanga. Fékk félagið fékk til liðs við sig einvala lið lögfræðinga sem sóttu, vörðu og dæmdu málið upp á nýtt og tvo leikara sem lásu upp úr málsskjölum.
Þátttakendur voru: Jónína Sigrún Lárusdóttir, formaður Lögfræðingafélags Íslands, sem var kynnir. Sigríður Friðjónsdóttir, ríkissaksóknari, sótti málið. Guðrún Sesselja Arnardóttir, lögmaður, varði Agnesi og Sigríði. Gestur Jónsson, lögmaður, varði Friðrik. Ingibjörg Benediktsdóttir, fv. hæstaréttardómari, var forseti dómsins en með henni dæmdu Kolbrún Sævarsdóttir, héraðsdómari, og Davíð Þór Björgvinsson, Landsréttardómari og f.v. dómari við Mannréttindadómstól Evrópu. Leikararnir Jóhanna Vigdís Arnardóttir og Jóhann Sigurðarson lásu úr dómskjölum. Eyrún Ingadóttir, sagnfræðingur og frkvstj. Lögfræðingafélags Íslands, bjó málið undir flutning og sá um framkvæmd.
Lögfræðingafélag Íslands og Samtök sveitarfélaga á Norðurlandi vestra styrktu upptöku sýndarréttarhaldanna en Landmark kvikmyndagerð sá um upptöku.
Upptöku af réttarhöldunum í heild sinni er að finna hér.
Fréttir af sýndarréttarhöldum:
Agnes og Friðrik dæmd að nýju í haust,
Réttað í 200 ára gömlu morðmáli,
Agnes hlaut fjórtán ára fangelsisdóm
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.