Veiðin í húnvetnsku ánum heilt yfir meiri í ár en í fyrra
Húnahornið segir frá því að farið sé að síga á seinni hlutann í laxveiðinni þetta sumarið. Heilt yfir hafa sjö helstu laxveiðiár Húnavatnssýslna verið að gefa fleiri fiska í sumar en í fyrra en sumarið í fyrra var reyndar ekki upp á marga fiska. „Það sem af er sumri hafa 3.119 laxar veiðst en á sama tíma í fyrra voru þeir rétt rúmlega 2.000 talsins. Miðfjarðará er aflahæst, eins og svo oft áður, með 1.354 laxa en áin endaði í 1.266 löxum í fyrra,“ segir í fréttinni.
Veiðin er sögð hafa verið góð en síðasta vika gaf 161 lax, sem er þriðja besta vikuveiðin í sumar í ánni.
„Blanda er komin í 424 laxa en lokatölur í fyrra urðu 54 laxar, sem var sögulegt met í lélegri laxveiði í ánni. Veiðin hefur minnkað mikið í ánni en þó er um einn lax að koma á land á dag. Laxá á Ásum er komin í 412 laxa en áin endaði í fyrra í 471 laxi. Vikuveiði í ánni gaf 51 lax sem er býsna gott.
Í Víðidalsá hafa veiðst 352 laxar en áin endaði í fyrra í 357 löxum og í Vatnsdalsá hafa veiðst 296 laxar sem er níu löxum meira en allt fyrra sumar. Þá er Hrútafjarðará komin í 220 laxa en áin endaði í 197 löxum í fyrra og Svartá stendur í 61 laxi en í fyrra komu 98 laxar á land. Enn eru um tvær vikur eftir af laxveiðitímabilinu og því munu veiðitölur halda áfram að hækka áður en yfir lýkur,“ segir á Húna.is.
Fleiri fréttir
-
Æfingar í barnastarfi PKS í vikunni
feykir.is Skagafjörður, Íþróttir, Mannlíf 08.09.2026 kl. 09.13Pílukastarar eru stanslaust að og spila allan ársins hring. Nú á fimmtudaginn fer fram síðasta og sjöunda keppnin í Sumarmótaröð PKS í húsakynnum Pílukastfélags Skagafjarðar á Króknum og verður húsið opnað kl. 19:30. Nú í vikunni er PKS að kynna píluna fyrir áhugasömum, bæði á Sauðárkróki og í Varmahlíð.Meira -
Hnúfubakur við ósa Blöndu
feykir.is Austur-Húnavatnssýsla, Lokað efni 07.09.2026 kl. 14.48Hnúfubakur lék listir sínar rétt við land við ósa Blöndu í morgunsárið. Að sjálfsögðu fangaði Róbert Daníel augnablikið eins og hans er von og vísa og gaf Feyki góðfúslegt leyfi til að birta myndir. Í færslu á Facebook-síðu hans, þar sem einnig má sjá myndband, segir að núorðið sé orðið frekar algengt að sjá hvali við Blönduós.Meira -
Rúmar 35 milljónir í hleðsluinnviði á Norðurland vestra | Tvö verkefni á svæðinu hljóta styrk úr átakinu „Lokum gatinu”
feykir.is Skagafjörður, Vestur-Húnavatnssýsla, Lokað efni 07.09.2026 kl. 14.40Tvö verkefni á Norðurlandi vestra hljóta styrk í nýrri úthlutun Loftslags- og orkusjóðs til uppbyggingar hleðsluinnviða fyrir rafbíla. Um er að ræða hraðhleðslustöðvar á Hofsósi og á Hvammstanga, samtals að fjárhæð tæpar 35,8 milljónir króna. Verkefnin eru hluti af landsátakinu „Lokum gatinu” sem hefur það markmið að tryggja lágmarksaðgang að hleðsluinnviðum um allt land.Meira -
Rabb-a-babb 252: Anna Guðrún
feykir.is Skagafjörður, Rabb-a-babb, Lokað efni 07.09.2026 kl. 13.00Við finnum Rabbara vikunnar í Eyjafirði en það er Anna Guðrún Grétarsdóttir sem svarar að þessu sinni. Hún er fædd á því fína ári 1970, er í sambúð með Arnari Sigfússyni og eiga þau tvo syni, Auðunn Orra 27 ára og Ævar Ottó 20 ára. Hún er dóttir Grétars Geirssonar og Jónínu Hjaltadóttur og er alin upp austan Vatna í Skagafirðinum en býr nú í Fornhaga II í Hörgárdal með sínum manni, örfáum kindum og nokkrum hrossum.Meira
