Viðburðir á 17. júní
Þjóðhátíðardagur Íslendinga er á morgun, 17. júní, en þá minnist þjóðin 76 ára afmælis íslenska lýðveldisins. Ljóst er að hátíðahöld verða víða með eitthvað öðru sniði en venja er vegna COVID-19 en landsmenn eru hvattir til að halda upp á daginn með vinum og fjölskyldu. Morgunathöfn verður í beinni útsendingu í sjónvarpi RÚV þar sem meðal annars verður ávarp forsætisráðherra og fjallkonan flytur ljóð.
Feykir tók saman yfirlit yfir það helsta sem verður um að vera á Norðurlandi vestra í tilefni dagsins.
Dagskrá þjóðhátíðardags á Hvammstanga:
13:00 – Þjóðhátíðarmessa í Hvammstangakirkju.
14:00 – Skrúðganga hefst frá Hvammstangakirkju
14:30 – Ávarp fjallkonu og hátíðarræða frá svölum félagsheimilisins
15:00 – Skemmtidagsskrá sunnan við félagsheimilið.
- 10. bekkur er með sölu á grilluðum pylsum, nammi og kandifloss.
- Hoppukastalar fyrir unga sem aldna.
- Teymt undir börnum á hestum.
- Léttar þrautir.
- Andlitsmálun.
Á Blönduósi verður sundlaugin opin frá 8-21 og er bæjarbúum boðið frítt í sund í tilefni af 17. júní og 10 ára afmælis laugarinnar. Bæjarbúar eru hvattir til þess að halda sína eigin þjóðhátíð með vinun og ættingum, grilla, syngja og dansa.
Skagafjörður:
Hátíðardagskrá verður streymt kl 12:00 á Facebooksíðu og heimasíðu Sveitarfélagsins Skagafjarðar, www.skagafjordur.is. Hátíðarávarp, Fjallkonan og frábær tónlistaratriði beint úr héraði.
Sundlaugar sveitarfélagsins verða opnar og verður tónlist og fjör fyrir sundlaugagesti. Opnunartímar sundlauganna verða sem hér segir:
Sauðárkrókur og Varmahlíð frá kl 10-17.
Hofsós frá kl. 07-21.
Hestafjör! Teymt undir börnum á hestbaki í Skagafirði:
Sauðárkrókur- á Flæðunum við sundlaugina kl. 13-14.
Hofsós - Hesthúsahverfið í Hofsósi kl. 11-12.
Glaumbær - Túnið við Glaumbæ kl. 14-15.
Kaffihlaðborð og kaffisala vítt og breytt um fjörðinn.
Austan Vatna í Skagafirði:
11:00: Byrðuhlaup á Hólum. Lagt af stað frá Grunnskólanum á Hólum. Nánari upplýsingar á Facebook.
11:00 -12:00: Reiðskóli Tröllaskaga teymir undir börnum við hesthúsahverfið á Hofsósi í boði Sveitarfélagins Skagafjarðar. (Í stóru hvítu gerði við hesthúsahverfið).
13:00-14:00: Aparólan tekin í notkun. Leikir og fjör á skólalóð. Íbúasamtökin Byggjum upp Hofsós og nágrenni bjóða upp á ís.
11:00-18:00: Kaffihúsastemmning í Stóragerði. Hægt að kaupa sér hnallþórusneiðar eða vöfflur og gæða sér á heitu súkkulaði eða kaffi.
11:00-18:00: Vesturfarasetrið opið.
13:00-18:00: Nytjamarkaðurinn í Grunnskólanum austan Vatna á Hofsósi opinn.
14:00-16:00: Leikir, tónlist og sápurennibraut á bakkanum í sundlauginni á Hofsósi. Sundlaugin opin frá 07-21.
9:30-21:30: Kaupfélag Skagfirðinga á Hofsósi opið.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.