Rúmlega átta og hálf milljón í söfn á Norðurlandi vestra
Á dögunum úthlutaði mennta- og menningarmálaráðherra, að fenginni umsögn safnaráðs alls 113.850.000 kr. úr safnasjóði. Þar af voru veittir 85 verkefnastyrkir alls 84.250.000 kr. auk þess sem 29.600.000 kr. var úthlutað í rekstrarstyrki til 37 viðurkenndra safna. Alls bárust 142 verkefnaumsóknir og voru veittir styrkir á bilinu frá 300.000 kr. til 2,5 milljónir króna. Rúmlega átta og hálf milljón kom í hlut safna á Norðurlandi vestra.
Hlutverk og tilgangur safnasjóðs er að efla starfsemi safna með styrkjum. Viðurkennd söfn, önnur en söfn í eigu ríkisins, geta sótt um rekstrarstyrki til að efla starfsemi sína og öll viðurkennd söfn geta sótt um styrki til skilgreindra verkefna.
Byggðasafn Skagfirðinga hlaut fjórar milljónir króna alls:
1.000.000 Rekstrarstyrkur
1.200.000 Safn og samfélag
900.000 Fullnaðarskráning safnmuna og ljósmynda í Sarp
900.000 Samstarf viðurkenndra safna á Norðurlandi vestra
Byggðasafn Húnvetninga og Strandamanna fékk 2,4 milljónir í heildina:
800.000 Rekstrarstyrkur
600.000 Byggðasafn Húnvetninga og Strandamanna Bátar á flugi
1.000.000 Heyskapur í Tungunesi
Heimilisiðnaðarsafnið Á Blönduósi fékk í sinn hlut 2,25 milljónir:
800.000 Rekstrarstyrkur
300.000 Varðveisla
500.000 Að koma ull í fat: Vefsýning fyrir grunnskólabörn.
650.000 Ljósmyndun (stafræn miðlun)
Sjá nánar HÉR
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.