Tilslakanir vegna Covid19
Covid19 veirusýkingin sem geisað hefur hér á landi síðastliðna mánuði er nú á hraðri niðurleið. Enn höfum við þó ekki náð fullum sigri á faraldrinum, þar sem enn greinast ný smit og töluverður fjöldi fólks er enn í einangrun. Hér á Norðurlandi vestra urðum við vel vör við sjúkdóminn þar sem að 35 einstaklingar veiktust, sem allir hafa náð bata. Það má þakka skjótum viðbrögðum og mikilli samstöðu íbúa að ekki kom til aukinnar útbreiðslu sjúkdómsins.
Nú 4. maí breytast reglur um samkomubann hér á landi. Þannig hækkar fjöldi þeirra sem mega koma saman úr 20 í 50 manns. Framhalds,- og háskólar geta aftur opnað fyrir nemendum og ýmiss konar þjónusta má aftur hefjast. Fjöldatakmarkanir fyrir börn í skólastarfi, íþróttaiðkun og æskulýðsstarfi falla niður. Enn eru þó töluverðar takmarkanir í gangi, sérstaklega þegar kemur að íþróttastarfi, t.d. eru sundlaugar og líkamsræktarstöðvar lokaðar almenningi, og ýmis afþreying fullorðinna, t.d. skemmtistaðir, krár og spilasalir. Ýtarlegri upplýsingar um þessar breytingar má finna á covid.is.
Þó svo að nú séu komnar fram tilslakanir hvað varðar samkomubannið þá verðum við áfram að vera á tánum til að koma í veg fyrir aukna útbreiðslu sjúkdómsins. Það er jafn mikilvægt nú sem fyrr að við verndum viðkvæma hópa samfélagsins og reynum jafnframt að koma í veg fyrir hópsmit. Því er mikilvægt að við fylgjum þeim reglum sem fram eru settar.
Mikilvægasta vörnin gegn sýkingum er almennur handþvottur. Þá er að þvo hendur með sápu sem borin er vel á alla höndina og dreift um í a.m.k. 20 sekúndur í hvert skipti. Einnig er hægt að nota handspritt. Mikilvægt er einnig að sótthreinsa reglulega alla snertifleti. Mikilvægt er að takmarka náin samskipti við annað fólk og viðhalda tveggja metra reglunni og forðast mannmergð. Ef við finnum til flensueinkenna þá er mikilvægt að dvelja í sjálfskipaðri sóttkví og forðast að hitta annað fólk og hafa samband við heilsugæsluna.
Vilja almannavarnir á Norðurlandi vestra þakka íbúum fyrir hversu vel þeir hafa brugðist við fyrirskipunum stjórnvalda og með því náð þeim árangri sem við höfum nú náð. Því öll erum við almannavarnir.
Fyrir hönd aðgerðastjórnar almannavarna á Norðurlandi vestra
Bjarni K. Kristjánsson
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.