Jarðgöng og aðrar samgöngur
Við hjá Framsókn viljum beita okkur fyrir samtali við stjórnvöld um að stórbæta samgöngur í Skagafirði með betri vegum og jarðgangagerð samkvæmt nýrri samgöngu- og innviðaáætlun sem samþykkt hefur verið af öllum sveitarfélögum á Norðurlandi vestra.
Ef skoðaður er listinn yfir vegi í Skagafirði er Hegranesvegur efstur en hann er einnig einn af þremur vegum á Norðurlandi vestra sem er í sérstökum forgangshópi. Aðrir vegir á listanum í okkar sveitarfélagi eru í þessari röð, Sæmundarhlíðavegur, Ólafsfjarðarvegur (frá Ketilási að Molastöðum), Skagafjarðarvegur (frá Stekkholti að Jökulsá), Skagavegur austanverður og Ásavegur í Hjaltadal. Til viðbótar eru svo vegir sem enn hafa ekki komist á listann en þurfa svo sannarlega á viðhaldi og endurbótum að halda og því þurfa þeir einnig að komast í þessa röðun á vegabótum.
Við hjá Framsókn viljum að ríkið hraði eins og kostur er uppbyggingu og endurbótum á þessum vegum samkvæmt fyrirliggjandi áætlun en því miður er það staðreynd að hlutfall malarvega er hvergi hærra á landinu en á Norðurlandi vestra.
Við viljum einnig þrýsta á að gerð verði jarðgöng milli Fljóta og Siglufjarðar en vegurinn um Almenninga er stórhættulegur og ekki boðlegur sem heilsárstenging úr Skagafirði til Siglufjarðar. Það er mikið hagsmunamál fyrir eflingu byggðar í Fljótum að fá þessi göng ásamt því að með bættum samgöngum eykst ferðamannstraumur í fjörðinn fagra sem er hagsmunamál fyrir alla Skagfirðinga.
Í nýju aðalskipulagi Sveitarfélagsins Skagafjarðar er gert ráð fyrir göngum undir Hjaltadalsheiði en með sameiningu við Akrahrepp opnast líka sá möguleiki að skoða betur kosti þess að gera göng undir Öxnadalsheiði. Við þurfum að vinna áfram með þessa tvo möguleika og fá botn í það hvora leiðina er hagkvæmara og skynsamlegra að fara með hliðsjón af umferðaröryggi og fleiri þáttum. Tengimöguleikar Skagfirðinga við Akureyri eru ekki ásættanlegir í dag en mikilvægi þess að hægt sé að komast t.d. á milli sjúkrastofnana í öllum veðrum og mismunandi færð eru gríðarlegir. Einnig mun fylgja bættum samgöngum meiri ferðamannastraumur og það er einnig jákvætt.
Við hjá Framsókn höfum það jafnframt á okkar stefnuskrá að koma á hringtengingu í Skagafirði með brú yfir Austari-Jökulsá sem tengir saman Kjálka og Skagafjarðarveg, en það hefur bæði kosti fyrir ferðaþjónustuna og íbúa í framhluta Skagafjarðar.
Fái ég brautargengi til að vinna fyrir þig kjósandi góður þá verður þetta klárlega eitt af mörgum góðum málefnum sem við hjá Framsókn munum beita okkur fyrir.
Ég óska eftir stuðningi þínum kjósandi góður svo að við getum farið í viðræður við stjórnvöld um að flýta þessum framkvæmdum sem allra mest.
X-B fyrir sterkari fjörð.
Sigurður B Rafnsson
skipar fjórða sæti á lista Framsóknar
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.