Munur þess að ærast eða vera ærlegur
Sigurjón Þórðarson sveitarstjórnarmaður Frjálslynda flokksins fer mikinn í grein sem birtist á feykir.is í gær. Þar allt að því átelur hann framsóknarmenn fyrir að ærast ekki yfir hugmyndum sem heilbrigðisráðherra hefur barist fyrir um sameiningu heilbrigðisstofnana á Norðurlandi í mun stærri stofnun. Vitnar sveitarstjórnarmaðurinn m.a. í fund sem hann og aðrir sveitarstjórnarfulltrúar áttu með heilbrigðisráðherra og segir réttilega að á fundinum hafi komið skýrt fram að aðförin að Heilbrigðisstofnuninni á Sauðárkróki væri í algjörri andstöðu við íbúa.
Lætur sveitarstjórnarmaðurinn þess þó ógetið að sveitarstjórnarfulltrúar Framsóknarflokksins héldu á þessum sama fundi uppi skýrri, harðri og gagnrýninni, en þó ærlegri andstöðu, gegn hugmyndum ráðherra, án þess að ærast eitt andartak. Samkvæmt Íslenskri orðabók þýðir enda það að ærast m.a. að verða óður eða ruglaður sem að mati undirritaðs er ekki vænlegt til árangurs í nokkru einasta máli.
Rökfastur málflutningur framsóknarmanna gegn hugmyndum heilbrigðisráðherra á þessum fundi og öðrum, sem og góð samtöl sveitarstjórnarfulltrúa flokksins við þingmenn og ráðherra stjórnarmeirihlutans á Alþingi undanfarnar vikur og mánuði, hefur nú skilað því að sameining heilbrigðisstofnana á Norðurlandi mun ekki taka gildi fyrr en 1. september á næsta ári en tíminn fram að því verður nýttur til að ná samkomulagi á milli ríkisins og Sveitarfélagsins Skagafjarðar um yfirtöku þess síðarnefnda á Heilbrigðisstofnuninni Sauðárkróki. Er fagnaðarefni að sú skynsamlega niðurstaða liggur loks fyrir.
Sigurjón Þórðarson getur dregið þann lærdóm af þessu máli að rökfastur og staðfastur en um leið hófsamur málflutningur gagnvart þeim sem hafa með ákvarðanir að gera skilar sem betur fer oftast nær mun betri niðurstöðu en það að gaspra á torgum úti. Það er betra að vera í jafnvægi en að ærast.
Stefán Vagn Stefánsson
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.