Gengur í svefni og mokar snjó hjá nágrönnum
Benjamín Benjamínsson hefur um áratugaskeið glímt við ákveðið svefnvandamál, nefnilega svefngöngu. Í vetur hefur þessi kvilli náð nýjum hæðum, þar sem Benjamín hefur farið út um miðjar nætur og mokað snjó úr innkeyrslu nágranna síns, honum reyndar til mikillar gleði.
-Það fór að bera á þessu í nóvember, en þá varð konan vör við það að ég var farinn í mína daglegu svefngöngu. Yfirleitt hef ég nú bara farið fram í stofu og dundað mér við að þurrka af og kannski kíkt á sjónvarpið, svo konan hefur nú hætt að kippa sér upp við þetta. En þegar hún heyrði útidyrahurðinni skellt um miðja nótt, fór hún að stjá til að skoða hvað gengi á. Sá hún mig þá rölta með skóflu í hönd yfir til nágranna okkar og þar tók ég upp á því að moka innkeyrsluna þeirra, en þar hafði safnast saman allmikill snjór.
Benjamín segir að nágrannarnir hafi tekið þessu sérstaklega vel og þegar þau komi út á morgnana, eftir að snjóað hefur, er planið næstum snjólaust, svo vel mokar hann. – Síðan bara kem ég inn aftur og leggst til svefns og vakna í mína vinnu á réttum tíma eins og ekkert hafi í skorist, sagði Benjamín.
Kári Engilbertsson, nágranni Benamíns, sagði í samtali við Dreifarann að hann væri auðvitað afar sáttur við þennan svefnkvilla nágranna síns og það væri mun heppilegra að hann gerði þetta heldur en eitthvað annað sem gæti komið þeim verr. – Við Benni höfum alltaf verið góðir félagar og hann hefur reynst okkur afar hjálplegur allar götur síðan við fluttum hingað í götuna og ætli þetta sé ekki bara hluti af því hversu mikið gæðablóð hann Benni er og vill allt fyrir alla gera, sagði Kári.
Benjamín kvíðir örlítið fyrir vorinu, þar sem þá verður enginn snjór til að moka og óvíst hvað tekur við hjá honum þá. – Ég bara vona að ég fari nú ekki að grípa í slátturvélina um miðja nótt, þá er ég ekki eins viss um að nágrannarnir verði jafn ánægðir með mig og nú.
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.