„Það eiga bara ALLIR að vera heima“
„Þú mátt alveg hafa það eftir mér en ég held nú bara að Íslendingar séu algjörir hálfvitar!“ Þetta segir Kristbjörn Jón Ásbjörnsson, rafvirki og tækjadellukarl, í samtali við Dreifarann nú í miðjum Covid19-faraldri. „Og þetta er auðvitað ekkert sem ég held, ég vissi þetta alveg. En, en, en hvað var það eina sem fólk var beðið um að gera nú um páskana?! – segðu mér það!“
„Vera heima?“ svarar Dreifarinn hikandi.
„Já nákvæmlega vinur minn. Það er bara það, vera bara andskotans heima. En, en hérna, það ætti nú ekki að vera vandamál eða hvað!?“
„Nei, ég er bara búinn að vera hér að skrifa á netið og svona...“
„Já, þú ert nú auðvitað til fyrirmyndar, ég vissi það auðvitað, en en það er þetta lið sem er hér úti og uppi um allar djöfulsins koppagrundir. Hvað er þetta lið að pæla? En, en ég hérna vissi auðvitað að þetta færi svona, Íslendingar eru svo vitlausir alltaf.“
„Og hvernig komum við í veg fyrir þetta, Kristbjörn?“
„Í veg fyrir? Við verðum bara að stoppa þetta lið af, vera á vaktinni. Ég skal segja þér það vinur minn, ég hérna fór nefnilega suður í vikunni og kom heim með tvo sleða, Indy 850 lagsmaður minn, við erum að tala um keðjudrif og klínfæer innspýtingu, 220 kíóa maskína, sex kúlur eða svo með 5% staðgreiðsluafslætti – alveg borðleggjandi dæmi sko.“
„Og hvað, ertu bara með þá heima í stofu?“
„Heima í stofu?!? Ertu frá þér? Nei nei, við vinirnir höfum verið að vakta fjöllin sko, höfum verið að reyna að fylgjast með, stoppa þetta lið sem er í einhverju rugli upp um fjöll og firnindi. Og þá þarf maður auðvitað að vera á almennilegum græjum, annað er bara vitleysa, það þarf að vera almennilegur mótor í þessu ef maður þarf að elta þessa hálfvita. Það er auðvitað alveg borðleggjandi.“
„Er það lögreglan eða björgunarsveitirnar sem hafa verið að biðja ykkur um þetta?“
„Lögreglan? Nei nei, við bara ákváðum þetta svona strákarnir, þetta er bara svona góðverk sem hérna við höfum ekkert verið að láta vita neitt af. Það verður að stoppa þetta bull, þetta er svo einfalt, það eiga bara ALLIR að vera heima. En þú ert seif, þú hefur ekkert farið út, varstu ekki að segja það?“
„Neeeii, nja, ég fór reyndar einn rúnt hérna rétt út fyrir bæ...“
„Einn rúnt!? En, en, en hvað ertu að hugsa maður. Hvað var ég að segja? VERA HEIMA! Þetta er svo einfalt... djís!“
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.