20 opinber störf í Skagafirði í hættu
Sveitarstjórn Svf. Skagafjarðar lýsir furðu sinni á að með framlagningu fjárlagafrumvarps fyrir árið 2014 skuli ríkisstjórn Íslands enn halda áfram þeirri aðför að sveitarfélaginu sem viðgengist hefur frá efnahagshruninu árið 2008. Á síðasta fundi sveitarstjórnarinnar var málið tekið fyrir en fram hefur komið við upplýsingaöflun Samtaka sveitarfélaga á norðurlandi vestra, að frá árinu 2008 og til dagsins í dag hafa hátt í 50 stöðugildi á vegum ríkisins í Skagafirði verið lögð niður eða flutt til annarra landsvæða.
Segir í fundargerð að þessar tölur séu mjög í takt við nýja skýrslu Hagfræðistofnunar Háskóla Íslands sem unnin var fyrir Byggðastofnun en hún leiðir í ljós að enginn annar landshluti hefur orðið fyrir jafn miklum hlutfallslegum niðurskurði af hálfu ríkisins og norðurland vestra. Á sama tíma hefur ríkisstörfum fjölgað á höfuðborgarsvæðinu og nálægum landshlutum.
„Nái fjárlagafrumvarp ríkisstjórnarinnar fyrir árið 2014 fram að ganga óbreytt mun störfum á vegum ríkisins í Skagafirði fækka um a.m.k. 20 til viðbótar við þau störf sem þegar eru horfin úr héraðinu. Það er í hróplegu ósamræmi við allt sem eðlilegt getur talist í jafnræði við íbúa landsins og fögur fyrirheit í stefnuyfirlýsingu ríkisstjórnar um jafnrétti til búsetu, að íbúar landsins fái notið þeirrar grunnþjónustu sem gera á kröfu um í nútímasamfélagi og að stuðlað verði að fjölbreyttum atvinnutækifærum um allt land, m.a. með dreifingu opinberra starfa.“
Sveitarstjórnin bókaði og leggur áherslu á að Skagfirðingar séu reiðubúnir að axla byrðar þær sem lagðar hafa verið á landsmenn til jafns við aðra íbúa en með öllu sé hins vegar óverjandi að Skagfirðingar þurfi að taka á sig mun meiri þjónustuskerðingar og niðurskurð en aðrir landsmenn. Bendir sveitarstjórnin á að hagvöxtur á svæðinu var neikvæður á árunum fyrir efnahagshrunið og því ekki þensluvalda að finna þar.
„Sveitarstjórn Sveitarfélagsins Skagafjarðar skorar á ríkisstjórn Íslands og Alþingi að draga nú þegar til baka boðaðan niðurskurð gagnvart starfsemi ríkisins á svæðinu og beita sér þvert á móti fyrir eðlilegri uppbyggingu og þjónustu til jafns við aðra landshluta,“ segir í ályktun sveitarstjórnar Svf. Skagafjarðar.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
