47 brautskráðir frá Hólum
Háskólinn á Hólum brautskráði frá skólanum sl föstudag 47 nemendur með alls 49 skírteini en tveir nemendur luku námi á tveimur brautum. Mikil hátíð var á Hólum í tilefni dagsins en hátíðarhöldin hófust á reiðvellinum með reiðsýningu útskriftanema í þjálfun og reiðkennslu. Sjálf brautskráningin fór síðan fram í Hóladómkirkju.
Sagt er frá útskriftinni á vef Hólaskóla: „Athöfnin var með hefðbundnu sniði og auk afhendingar brautskráningarskírteina fól dagskráin í sér ávörp, tónlistaratriði og afhendingu viðurkenninga. Að ávarpi rektors loknu sáu deildarstjórar um sjálfa brautskráninguna. Alls voru 47 nemar brautskráðir, með samtals 49 skírteini þar sem tveir þeirra voru nú formlega að ljúka tveimur brautum. Þeir skiptust þannig milli deilda og brauta:
Frá ferðamáladeild:
Diplóma í viðburðastjórnun: 6
Diplóma í ferðamálafræði: 6
BA í ferðamálafræði: 4
Frá fiskeldis- og fiskalíffræðideild:
Diplóma í fiskeldi: 1
Frá hestafræðideild:
Diplóma í tamningum: 20
Diplóma í þjálfun og reiðkennslu: 12
Iðnaðarráðuneytið - ráðuneyti ferðamála - veitti viðurkenningar fyrir góðan námsárangur á ferðamálabrautum skólans. Þær hlutu: Jóhann Ágúst Jóhannsson, (diplóma í viðburðastjórnun), Hulda Jónsdóttir (diplóma í ferðamálafræði) og Hörður Elís Finnbogason (BA í ferðamálafræði).
Félag tamningamanna veitir árlega tamningabikarinn, þeim nemanda er hlýtur hæstu einkunn á tamningarprófi. Handhafi tamningabikarsins árið 2011 er Hekla-Katharina Kristinsdóttir.
Hefð er fyrir því að formaður Félags tamningamanna mæti á brautskráningarathöfn Hólaskóla og færi nýútskrifaða þjálfara og reiðkennara í einkennisjakka félagsins. Formaður er nú Sigrún Ólafsdóttir, og annaðist hún þetta ánægjulega embættisverk.
Í þessum hópi (diplóma í þjálfun og reiðkennslu) eru veitt fern verðlaun. Félag tamningamanna veitir reiðmennskuverðlaun FT og koma þau í hlut þess nema er hlýtur hæstu einkunn í reiðmennsku og þjálfun. Verslunin Ástund veitir Ástundarhestinn, fyrir hið sama. LH-styttan er veitt þeim er hlýtur hæstu einkunn í reiðkennslu og kennslufræði. Og Morgunblaðið veitir Morgunblaðshnakkinn, þeim nemanda er hlýtur hæstu lokaeinkunn á brautinni. Er skemmst frá því að segja að allar þessar viðurkenningar féllu Sylvíu Sigurbjörnsdóttur í skaut.
Að athöfn lokinn var viðstöddum boðið til kaffisamsætis í aðalbyggingu Hólaskóla.
Nýbrautskráðum nemendum fylgja árnaðaróskir starfsmanna skólans. Verið ávallt velkomin heim að Hólum.“
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
