Aðventugleði á Hofsósi
feykir.is
Skagafjörður
04.12.2025
kl. 11.45
MYND FACEBOOK
Laugardaginn 6. desember standa nokkrir íbúar og fyrirtæki fyrir Aðventugleði á Hofsósi. Í félagsheimilinu Höfðaborg verður markaður með fjölbreyttan varning. Þar verður einnig Héraðsbókasafnið með bókahorn og kynningu á nýjustu bókunum. Hægt verður að setjast niður og kaupa kaffi og kökur.
Nokkrir nemendur grunnskólans stíga á stokk og syngja jólalög. Boðið verður upp á garnskiptimarkað og einnig verður hægt að föndra eigin jólaskreytingu úr greni, könglum og skrautborðum. Í sundlauginni verður jólastemmning og verslun KS Hofsósi verður með tilboð og lengir opnunartímann til kl. 18. Í Smáhólaskógi við Hofsós verður eldur og kakó.
Gleðin hefst kl. 14 og stendur til 18. Gott að hafa með sér reiðufé því ekki verða allir seljendur með posa.
Fleiri fréttir
-
Magadans og áritun í Skagfirðingabúð
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 04.12.2025 kl. 11.29Föstudaginn 5. desember munu Hermann Árnason og Hjalti Jón Sveinsson árita bók sína, Með frelsi í faxins hvin, í Skagfirðingabúð milli klukkan 13-14. Að sjálfsögðu mæta allir hestaáhugamenn þangað! Í bókinni segir frá Hermanni Árnasyni sem hefur stundað hestamennsku frá blautu barnsbeini. „Rétt er að taka fram að magadansins verður að bíða betri tíma, hann var bara settur hér með til að fanga athygli lesenda!“ segir í tilkynningu frá Bókaútgáfunni Hólum.Meira -
Lyklar afhentir í Hegranesi
feykir.is Skagafjörður, Lokað efni 04.12.2025 kl. 09.43Það var gleðileg stund í Hegranesinu í gær þegar afhending lykla að félagsheimili Rípurhrepps í Hegranesi fór fram með formlegum hætti. Félagið Íbúasamtök og hollvinir Hegraness undirritaði tíu ára leigusamning um húsnæðið og tók formlega við lyklum í beinu framhaldi.Meira -
Ákvörðun um Fljótagöng mikið fagnaðarefni segir Einar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2025 kl. 09.22„Fyrstu viðbrögð okkar við tillögu að samgönguáætlun sem Eyjólfur Ármannsson innviðaráðherra lagði fram í dag, eru að við fögnum því virkilega að Fljótagöng skuli loksins vera kominn á áætlun og að þau verði næstu göng sem farið verður í en gert er ráð fyrir framkvæmdum við göngin árin 2027 til 2030. Þetta er mikið fagnaðar efni, en sveitarfélagið Skagafjörður og einnig SSNV hafa margsinnis á liðnum árum fundað með ráðamönnum, ályktað og skorað á þingmenn og ráðherra að koma þessum göngum í framkvæmd, því slysahættan af núverandi vegi um Almenninga er svo gríðarleg. Við erum því virkilega þakklát Eyjólfi fyrir að taka þessa ákvörðun og setja Fljótagöngin efst í framkvæmdalistann,“ sagði Einar E. Einarsson forseti sveitarstjórnar Skagafjarðar og formaður SSNV þegar Feykir innti hann eftir viðbrögðum við nýrri samgönguáætlun.Meira -
Héraðsbókasafn Skagfirðinga fagnar afmæli Línu Langsokk
feykir.is Skagafjörður 03.12.2025 kl. 14.00Lína Langsokkur í lestrarstund fimmtudaginn 4. desember kl. 16:30 í Safnahúsinu á Sauðárkróki.Meira
