Magadans og áritun í Skagfirðingabúð

feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 04.12.2025 kl. 11.29 oli@feykir.is
Föstudaginn 5. desember munu Hermann Árnason og Hjalti Jón Sveinsson árita bók sína, Með frelsi í faxins hvin, í Skagfirðingabúð milli klukkan 13-14. Að sjálfsögðu mæta allir hestaáhugamenn þangað! Í bókinni segir frá Hermanni Árnasyni sem hefur stundað hestamennsku frá blautu barnsbeini. „Rétt er að taka fram að magadansins verður að bíða betri tíma, hann var bara settur hér með til að fanga athygli lesenda!“ segir í tilkynningu frá Bókaútgáfunni Hólum.
 

Tamning hrossa og hestaferðir hafa verið hugsjón hans alla tíð og sum verkefni hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi og einnig er fjallað um Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu.

Í bókinni er jafnframt fjallað um þá hlið hestamennsku Hermanns sem lýtur að uppeldi og þjálfun hrossa, umgengni hans við þau og hvers konar meðhöndlun. Ríflega 300 ljósmyndir prýða bókina, auk korta af helstu leiðunum sem sagt er frá.

 

Til baka

Fleiri fréttir

  • MYND FACEBOOK

    Aðventugleði á Hofsósi

    feykir.is Skagafjörður 04.12.2025 kl. 11.45 gunnhildur@feykir.is
    Laugardaginn 6. desember standa nokkrir íbúar og fyrirtæki fyrir Aðventugleði á Hofsósi. Í félagsheimilinu Höfðaborg verður markaður með fjölbreyttan varning. Þar verður einnig Héraðsbókasafnið með bókahorn og kynningu á nýjustu bókunum. Hægt verður að setjast niður og kaupa kaffi og kökur.
    Meira
  • MYND SKAGAFJÖRÐUR

    Lyklar afhentir í Hegranesi

    feykir.is Skagafjörður, Lokað efni 04.12.2025 kl. 09.43 gunnhildur@feykir.is
    Það var gleðileg stund í Hegranesinu í  gær þegar afhending lykla að félagsheimili Rípurhrepps í Hegranesi fór fram með formlegum hætti. Félagið Íbúasamtök og hollvinir Hegraness undirritaði tíu ára leigusamning um húsnæðið og tók formlega við lyklum í beinu framhaldi.
    Meira
  • E. Einarsson. MYND AÐSEND

    Ákvörðun um Fljótagöng mikið fagnaðarefni segir Einar

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2025 kl. 09.22 oli@feykir.is
    „Fyrstu viðbrögð okkar við tillögu að samgönguáætlun sem Eyjólfur Ármannsson innviðaráðherra lagði fram í dag, eru að við fögnum því virkilega að Fljótagöng skuli loksins vera kominn á áætlun og að þau verði næstu göng sem farið verður í en gert er ráð fyrir framkvæmdum við göngin árin 2027 til 2030. Þetta er mikið fagnaðar efni, en sveitarfélagið Skagafjörður og einnig SSNV hafa margsinnis á liðnum árum fundað með ráðamönnum, ályktað og skorað á þingmenn og ráðherra að koma þessum göngum í framkvæmd, því slysahættan af núverandi vegi um Almenninga er svo gríðarleg. Við erum því virkilega þakklát Eyjólfi fyrir að taka þessa ákvörðun og setja Fljótagöngin efst í framkvæmdalistann,“ sagði Einar E. Einarsson forseti sveitarstjórnar Skagafjarðar og formaður SSNV þegar Feykir innti hann eftir viðbrögðum við nýrri samgönguáætlun.
    Meira

  • Héraðsbókasafn Skagfirðinga fagnar afmæli Línu Langsokk

    feykir.is Skagafjörður 03.12.2025 kl. 14.00 gunnhildur@feykir.is
    Lína Langsokkur í lestrarstund  fimmtudaginn 4. desember kl. 16:30 í Safnahúsinu á Sauðárkróki. 
    Meira
Yfirlit frétta