Áhyggjur af stöðu stéttarinnar - 70% fornleifafræðinga búið við atvinnuleysi
Fornleifafræðingar hafa lýst miklum áhyggjum yfir stöðu stéttarinnar en miðað við fjárlögin á næsta ári rennur mun minna fé í Fornminjasjóð en áður. Samkvæmt ályktun frá fagfélögum fornleifafræðinga hafa styrkir til fornleifarannsókna á Íslandi verið skornir niður um ríflega 60% frá árinu 2008.
„Á sama tíma hafa jákvæð áhrif fornleifarannsókna á menningu og atvinnulíf verið að koma í ljós, m.a. með glæsilegum útgáfum á niðurstöðum fornleifarannsókna og uppbyggingu nýrra ferðamannastaða. Þetta má tvímælalaust þakka uppgangi í greininni á árunum eftir 2000 sem hófst með úthlutunum úr Kristnihátíðasjóði og kennslu í fornleifafræði við Háskóla Íslands,“ segir í ályktuninni.
Nýleg skoðanakönnun meðal fornleifafræðinga leiddi í ljós að allt að 70% þeirra sem við greinina starfa hafa á síðastliðnum fimm árum búið við atvinnuleysi í einhverjum mæli. Í ályktuninni kemur fram að áframhaldandi niðurskurður mun takmarka atvinnumöguleika þeirra enn frekar og verði hann að veruleika er fyrirsjáanlegt að forsendur fyrir áframhaldandi fornleifarannsóknum á Íslandi séu brostnar.
Ætlað víðara hlutverk án aukins fjárframlags
Nú um áramótin taka ný lög um menningarminjar gildi en þar er Fornminjasjóði ætlað mun víðara hlutverk en áður. Í fréttatilkynningu frá fagfélögum fornleifafræðinga segir að meðal breytinga má nefna að veita má fé úr sjóðnum til báta- og skipaviðgerða auk þess sem vinna við stefnumótun í minjavörslu verður að hluta greidd úr honum. Í fjárlögum er hins vegar ekki gert ráð fyrir auknu á fjárframlagi í sjóðinn samhliða þessu breytta hlutverki, þvert á móti er lækkun á framlagi til sjóðsins í ár.
„Fornleifafræðingar eru uggandi yfir stöðunni, þar sem sjóðurinn er nú eini beini styrktarsjóður fornleifarannsókna hér á landi. Fagfélög fornleifafræðinga telja það grundvallaratriði að stjórnvöld auki fjármagn í Fornminjasjóð til samræmis við nýtt og aukið hlutverk hans,“ segir loks í fréttatilkynningunni.
Fleiri fréttir
-
Myndlistin blómstrar á Höfðaströndinni
feykir.is Skagafjörður, Listir og menning, Mannlíf, Lokað efni 23.06.2025 kl. 15.40Hesturinn, stelpan og hálendið. Svo nefnist myndlistarsýning sem núna er í gangi á Listamiðstöðinni í Bæ á Höfðaströnd.Listakonan Michelle Bird, sem kemur upphaflega frá Bandaríkjunum, sýnir þar verk sín.Meira -
Súpuröltið sló rækilega í gegn á Hofsós heim
feykir.is Skagafjörður, Listir og menning, Mannlíf, Lokað efni 23.06.2025 kl. 15.03Það kom fram í viðtali vegna Hofsós heim í Feyki að gengið hefði verið frá pöntun á góðu veðri fyrir helgina. Það skilaði sér upp á tíu því veðursæld var allan tímann – aðeins hálftíma hellidemba á laugardagskvöldinu til að kæla gesti niður.Meira -
Fótboltastelpur voru í aðal hlutverki á Króknum um helgina
feykir.is Skagafjörður, Íþróttir 23.06.2025 kl. 14.25Stelpu hluti Króksmóts ÓB 2025 fór fram um helgina og tókst gríðar vel. Á Fb. Síðunni ÓB mót Tindastóls má finna eftirfarandi:Meira -
Tveir bikarleikir á Sauðárkróksvelli í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira
