AJ-leðursaumur opnar vinnustofu sína - Vinnur með hágæða leður og fiskroð
AJ-leðursaumur opnar leðurvinnustofu sína á Hjaltastöðum í Akrahreppi fyrir gesti um helgina, frá kl. 10-19. Þar er lítið gallerí sem opnað var í sumar og eru þar seldar vörur úr leðri, skinni og fiskroði.
Í vinnustofunni eru til dæmis framleiddar hnakktöskur úr selskinni og leðri, undirdýnur fyrir hesta úr íslenskri gæru og úrval af dömutöskum og fatnaði fyrir bæði dömur og herra. Aðallega er unnið úr hráefni frá Sútunarverksmiðjunni á Sauðárkróki en þar sem framleitt er hágæða leður og fiskroð. Vörur frá AJ-leðursaumi hafa einnig verið til sölu Gestastofu Sútarans og Sögusetrinu á Hólum.
„Í sumar tókum við þátt í Handverkshátíðinni á Hrafnagili og vorum með bás á Landsmóti hestamanna en einnig var afar gestkvæmt í galleríinu og mikið um sérpantanir. Sérstaða okkar liggur í því að hér gefst gestum kostur á að því að raða sjálfir saman efnum og litum og geta einnig komið með eigin snið og hugmyndir,“ sagði Anna Jóhannesdóttir handverkskona og bætir við: „Allir eru velkomnir og boðið verður upp á kaffi og kleinur í tilefni af Laufskálarétt.“
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
