Alþjóðleg ferðamálaráðstefna um allan Fjörð
feykir.is
Skagafjörður
11.06.2013
kl. 13.27
Ferðamáladeild Háskólans á Hólum er gestgjafi North Atlantic Forum 2013: Rural tourism - Challenges in changing times dagana 13.-15.6. n.k. Ráðstefnan fer fram víða um Skagafjörð og Siglufjörð, en erindi verða haldin á Hólum, í Miðgarði, í Kakalaskála, á Bæ á Höfðaströnd, á Siglufirði og í Árgarði. Þannig fá ráðstefnugestirnir sem eru frá öllum heimsálfum, tækifæri til að kynnast af eigin raun ferðaþjónustu í íslensku dreifbýli.
Erindi og vinnustofur eru fræðileg og hagnýt; netmarkaðssetning, hestaferðaþjónusta, strandmenning, jarðvangar, hönnun upplifunar, klasasamstarf, matarferðamennska, menningarsetur, áhrif ferðaþjónustu á íbúa og viðhorf íbúa til ferðaþjónustu svo eitthvað sé nefnt. Auk þess er menningardagskrá úr héraði hluti þeirrar upplifunar sem ráðstefnugestum er boðið uppá.
North Atlantic Forum 2013 nýtur stuðnings sveitarfélaganna Skagafjarðar og Fjallabyggðar, utanríkis- og atvinnuvegaráðuneyta, Ferðamálastofu, Ferðaþjónustu bænda, Failté Ireland, Menningarráðs Norðurlands vestra og Háskólans á Hólum. Ráðstefnan er sú fjórða í röð North Atlantic Forum, en sú næsta verður á Prince Edward Island í Kanada 2015. Ráðstefnurnar fjalla alltaf um þemu varðandi efnahagslíf og búsetu í dreifðum byggðum við Norður-Atlantshaf. Aðstandendur ráðstefnunnar leggja mikla áherslu á fjölbreytta dagskrá, jafnvægi milli fræða og framkvæmda í dagskránni og síðast en ekki síst; kynni þátttakenda af aðstæðum á viðkomandi ráðstefnustað.
Lykilfyrirlesarar eru Arvid Viken frá Tromsö, Noregi; Godfrey Baldacchino frá Prince Edward Island, Kanada, Ólöf Ýrr Atladóttir ferðamálastjóri og Gunnar Þór Jóhannesson, Háskóla Íslands. Það er Ferðamáladeild Háskólans á Hólum mikið ánægjuefni að taka á móti ráðstefnunni og eiga samtal við sérfræðinga á sviði ferðaþjónustu í dreifbýli víða að úr heiminum.
Fleiri fréttir
-
Ferða og gleði helgin mikla
feykir.is Skagafjörður, Lokað efni 01.08.2025 kl. 18.00Upp er runnin verslunaramannahelgi. Nú þeytist landinn landshorna á milli fullur eftirvæntingar um botnlaust stuð. Það var þétt setið bílaplanið við Olís Varmahlíð um kl:16 í dag. Það hefur verið mikil umferð síðustu daga og virðist flestum liggja mikið á.Meira -
Fyrsta Landsmótið í hestafimleikum á Íslandi haldið á Hvammstanga
feykir.is Íþróttir, Vestur-Húnavatnssýsla 01.08.2025 kl. 15.00Dagana 15.-18. júlí fór fram fyrsta landsmót í hestafimleikum á Íslandi og var það haldið í Þytsheimum á Hvammstanga. Sex hópar, frá Hvammstanga, Borgarfirði, Snæfellsnesi og Suðurlandi tóku þátt og sýndu alskonar kúnstir. Þó sumir hóparnir væru frekar nýlega stofnaðir og æfingastigið því mjög mismunandi stóðu öll börnin sig einstaklega vel og fengu verðskuldaða viðurkenningu.Meira -
Það verður góð stund á Ábæ
feykir.is Skagafjörður, Mannlíf 01.08.2025 kl. 09.24Hin árlega Ábæjarmessa verður á Ábæ í Austurdal sunnudaginn 3. ágúst kl. 14:00. Sr. Karl V. Matthíasson þjónar fyrir altari. Sönghópurinn Vorvindar glaðir leiða söng við undirleik Friðriks Þórs Jónssonar. Fólk er hvatt til að taka með sér nesti og eiga saman góða stund eftir messu í einstöku umhverfi. Veðurspáin fyrir sunnudaginn er ágæt, hlýtt og þurrt, svo fegurð Austurdals ætti að njóta sín.Meira -
Eldur í Hún tókst vel og allir sáttir
feykir.is Vestur-Húnavatnssýsla, Mannlíf, Lokað efni 31.07.2025 kl. 13.50Hátíðin góða Eldur í Húnaþingi fór fram í síðustu viku og lauk á sunnudaginn. Framkvæmdanefndin hefur sent frá sér eftirfarandi yfirlýsingu:Meira -
Sögur af hestum og mönnum
feykir.is Skagafjörður, Hestar, Lokað efni 31.07.2025 kl. 11.22Stefán Hrólfsson á Keldulandi á Kjálka var þjóðsagna persóna í lifandi lífi. Af honum gengu sögur, sannar og lognar. Þær gátu verið af snjöllum tilsvörum eða sérstökum athöfnum. Hér segir Ingimar Ingimarsson á Ytra-Skörðugili frá grenjaleit sem Stefán og Sigurður Ingimarson á Flugumýri fóru í.Meira
