Ályktun framsóknarmanna í Norðvesturkjördæmi
Mikilvægt er að þjóðin fái að greiða atkvæði um það hvort aðildarviðræður verða hafnar við Evrópusambandið. Þetta kemur fram í ályktun framsóknarmanna í Norðvesturkjördæmi í gær.
Samkvæmt lögum Framsóknarflokksins fer miðstjórn með umboð flokksins milli flokksþinga og útfærir meginstefnu hans í landsmálum. Á síðasta miðstjórnarfundi, í vor, braut Guðni Ágústsson, formaður flokksins, ísinn í Evrópumálum með því að leggja til svokallaða tvöfalda þjóðaratkvæðagreiðslu. Að þjóðin greiði atkvæði um það hvort aðildarviðræður verði teknar upp við ESB og síðar að þjóðin greiði atkvæði um niðurstöðu þeirra viðræðna, aðildarsamninginn sjálfan.
Undanfarnar vikur hafa framsóknarmenn þingað í öllum kjördæmum og í 4 skipti af 5 hafa þeir ályktað um Evrópumál. Ljóst er af skoðanakönnunum að margir framsóknarmenn vilja ganga lengra en stefna flokksins frá síðasta miðstjórnarfundi gerir ráð fyrir.
Í vikunni samþykkti kjördæmisþing framsóknarmanna í Suðvesturkjördæmi ályktun um að hefja viðræður við ESB um aðild og upptöku evru og í lok október var samþykkt í Norðausturkjördæmi að hefja undirbúning aðildarviðræðna að ESB. Einungis niðurstöðurnar skuli lagðar í dóm kjósenda. Þar er gengið lengra en stefna flokksins segir til um. Kjördæmisþing framsóknarmanna í Suðurkjördæmi, kjördæmi Guðna Ágústssonar, ályktaði að umræða um Evrópusambandsaðild væri mikilvæg og skoðanir með og á móti henni væru jafn réttháar.
Þá hafa margir forystumenn flokksins talað opinberlega fyrir Evrópusambandsaðild undanfarið. Birkir Jón Jónsson, þingmaður flokksins, hefur lagt til á Alþingi að kosið verði um það strax í maí hvort hafnar verði aðildarviðræður eða ekki. Þetta hafði hann áður lagt til í blaðagrein ásamt Sæunni Stefánsdóttur, ritara flokksins, og Páli Magnússyni, bæjarritara í Kópavogi.
Jón Sigurðsson, fyrrverandi formaður flokksins, skrifaði í blaðagrein í gær að enginn vafi væru lengur á því að þegar í stað þyrfti að lýsa yfir aðildarumsókn að ESB sem fyrsta skref þjóðarinnar til metnaðarfullrar framtíðar. Næsti miðstjórnarfundur flokksins verður haldinn um næstu helgi. Þar verður stefna flokksins aftur til umræðu. Búast má við fjörugum umræðum og mögulegum breytingum á stefnu flokksins í Evrópumálum.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
