Appelsínugult enn og aftur
Veðurstofan hefur gefið út viðvörun eina ferðina enn. Að þessu sinni er viðvörunin appelsínugul fyrir svæðið frá Snæfellsnesi austur að Langanesi, að miðhálendinu meðtöldu, en gul fyrir aðra landshluta.
Appelsínugul viðvörun fyrir Strandir og Norðurland vestra gildir frá klukkan tvö í nótt til klukkan tíu í fyrramálið. Eftir það tekur við gul viðvörun sem gildir þar til annað kvöld. Á vef Veðurstofunnar segir að í nótt gangi í sunnan storm eða rok, 20-28 m/s. Búast megi við mjög hvössum og varhugaverðum vindhviðum við fjöll sem geti náð vindhraðanum 35-45 m/s. Víðtækar samgöngutruflanir séu líklegar og ekkert ferðaveður verði á meðan viðvörunin er í gildi. Þá sé nauðsynlegt að tryggja lausamuni til að fyrirbyggja foktjón og er fólki bent á að sýna varkárni og fylgjast með veðurspám.
Í fyrramálið er gert ráð fyrir suðvestan 15-23 m/s og skúrum eða slydduéljum með hvössum vindstrengjum við fjöll, sums staðar yfir 30 m/s. Þá geta skapast varhugaverðar aðstæður, sérstaklega þar sem hált er.
Í hugleiðingum veðurfræðings á vef Veðurstofunnar segir:
„Við Nýfundnaland er nú 958 mb lægð og færist hún ákveðið til norðurs í dag og tekur stjórnina á veðrinu hjá okkur í kvöld. Þá fer að hvessa, þykkna upp og hlýna. Í nótt er útlit fyrir sunnan storm eða rok með talsverðri rigningu, en eins og svo oft í þessari vindátt er von á minni úrkomu norðaustantil á landinu. Á morgun snýst í suðvestan hvassviðri eða storm og áfram vætusamt veður og hitinn á bilinu 5 til 10 stig.
Það eru nokkur atriði sem helst ber að nefna þegar slíkar sviptingar í veðri eru í vændum:
-Leysingar- og regnvatn þarf að komast leiðar sinnar og þarf því að ganga úr skugga um að fráveitukerfi virki sem skildi til að forðast vatnstjón.
-Flughálka getur myndast þegar blotnar á svelli eða þjöppuðum snjó. Þegar einnig er hvass vindur eru aðstæður til aksturs mjög varasamar.
-Skammvinnt hríðarveður getur gert í nótt, áður en nær að hlýna og úrkoman færir sig yfir í rigningu. Þetta á sérílagi við á fjallvegum.
Annað kvöld fer að kólna aftur og á mánudag er hvöss suðvestanátt með snjóéljum í kortunum og hiti kringum frostmark."
Fleiri fréttir
-
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira -
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.