Barnaskólasalurinn á Sauðárkróki jafnaður við jörðu
Gamli íþróttasalurinn við fyrrum barnaskólann á Sauðárkróki heyrir nú sögunni til en hann var endanlega rifinn niður í gær. Í hans stað verður reist bygging sem hýsa á sex litlar íbúðir og tengist skólahúsinu sem þegar er byrjað að breyta í íbúðarhúsnæði.
Að sögn Ara Ólafssonar hjá byggingafyrirtækinu Friðriki Jónssyni ehf. svaraði ekki kostnaði að breyta salnum í íbúðir eins og upphaflega var áætlað. Segir hann borga sig að byrja með hreint borð. Hönnun íbúðanna var í kjölfarið breytt svo nú verða íbúðir sex í staðinn fyrir fimm í fyrri áætlunum. „Íbúðirnar voru á tveimur hæðum í upphaflegu teikningunum en nú verða þrjár íbúðir á hvorri hæð og smá breytingar á þeim,“ segir Ari.
Vel hefur gengið að breyta þessu gamla skólahúsnæði í mannabústaði og segir Ari engin vandamál hafa komið upp enda húsið vel byggt í upphafi. Alls verða 13 íbúðir í öllu húsinu þegar þar að kemur og vonast Ari til þess að hægt verði að flytja inn í þá fyrstu í haust. „Það er draumurinn en kannski stenst það ekki. Það verður bara þá bara að koma í ljós.“
Þegar Feykir átti leið hjá byggingarstaðnum í gær var nánast búið að fjarlægja öll verksummerki um gamla salinn sem margir Króksarar eiga ljúfar minningar um og í morgun var hann allur.
Feykir leitar til lesenda um sögur, viðburði og myndir frá salnum til frekari umfjöllunar og má senda á palli@feykir.is.
Hér fyrir neðan má sjá myndbrot af Rúnari Símonarsyni
beita sterkri klónni á rústir gamla íþóttasalarins.
Barnaskólasalurinn rifinn
Posted by Feykir on Föstudagur, 7. maí 2021
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.