Benedikt brjálast í Úkraínska sjónvarpinu
Benedikt S. Lafleur hefur vakið mikla athygli í úkraínska sjónvarpinu undanfarna mánuði en þar er hann meðal þátttakenda í skyggnikeppni. Þátttakendur detta út einn af öðrum og er Benedikt ásamt átta öðrum enn í keppninni af 159 sem hófu keppnina. Útsendingar hófust í byrjun október en hægt er að fylgjast með þáttunum á netinu. Í einum slíkum kemst Benedikt í hann krappann þegar skotið er á hann af stórum riffli og blótaði hann hressilega á íslensku.
„Alþjóðlega skyggnikeppnin minnir meir á kvikmyndaleik en hæfileikakeppni þar sem maður er umkringdur túlkum og förðunarmeisturum og stundum handritahöfundum,“ segir Benedikt á Fésbókarsíðu sinni og finnst honum þetta í senn ótrúlega krefjandi fyrir hann sem leikara, talnaspeking og næmihæfileika almennt.
Í fimmta þættinum er spennandi atriði þar sem Benedikt hefur stillt sér upp með epli á höfðinu eftir að hafa valið riffil handa konu til að skjóta af. Eflaust hefur hann skynjað hana skotfæralausa en annað kemur á daginn. Eftir að skotið ríður af sést Benedikt blóta af bræði á íslensku og segir hann að úkraínska sjónvarpið hafi ekki séð ástæðu til að blokkera hljóðið eins og gert var þegar Ivan, annar keppandi, blótaði á úkraínsku af augljósum ástæðum.
Benedikt segist verða var við aukna frægð í Úkraínu enda nokkrum sinnum verið stoppaður á götu og m.a. hafi kona úr annarri borg ferðast til að fá einkatíma í talnaspekigreiningu hjá honum. Hann segist eiga raunhæfa möguleika á að komast á toppinn og hvetur hann alla til að fylgjast með æsispennandi keppni.
Þættina má finna HÉR og skotatriðið þar sem bölvað er hressilega á íslensku er 5. þátturinn, merktur Выпуск 5 (03.11.2013) Смотреть онлайн og hefst á 34. mínútu.
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
