Betur fór en á horfðist þegar olía rann úr nýjum tanki Olís Varmahlíð
Það óhapp varð við Olísstöðina í Varmahlíð sl. sunnudag að mikið magn olíu endaði utan olíutanka er verið var að fylla á. Í ljós kom að olían hafði borist úr loftunarrörum fyrir ofan afgreiðsluplan en búið var að stöðva lekann þegar fulltrúi Heilbrigðiseftirlits Norðurlands vestra mætti á staðinn.
Svo virðist sem teikningar hafi verið rangar og eftirfylgni ábótavant við tengingu nýrra tanka sé að ræða þar sem stútur fyrir litaða gasolíu var merktur ólitaður og öfugt. Í atvikaskýrslu hjá Olís kemur fram að yfiráfyllivarnir höfðu víxlast í tengingu, þar sem merkingar voru rangar þegar þær voru tengdar.
„Við uppsetningu á lögnum var farið eftir teikningum og við merkingu var farið eftir teikningum, án þess að gæta að því hvort þær séu réttar í raun. Þegar áfyllikista var merkt, var búið að hylja lagnir, þannig að ekki var lengur hægt að rekja sig eftir lögnum og stútar sem stóðu upp úr, voru ómerktir,“ segir í skýrslunni.
Talið er að um 3.000 lítrar af olíu hafi farið upp úr tanknum, yfir jarðveg og út á stétt en þegar heilbrigðisfulltrúi kom á staðinn var enga olíupolla að sjá heldur hafði olían runnið niður í jarðveg í nágrenni loftunarröra og bílstjóri þurrkað upp það sem fór á malbik með ísogsefnum og sett sand yfir að því loknu. Því var ekki talin ástæða til þess að óska eftir aðstoð slökkviliðs.
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.