Bíóbíll RIFF í Húnaþingi vestra í dag
Bíóbíll RIFF (Reykjavik International Film Festival) verður á ferðinni um landið dagana 17.–23. september 2020 og er fyrsti áfangastaður Húnaþing vestra og þar verður bíóbíllinn á ferðinni í dag. Í kvöld er áætlað að bíllinn komi sér fyrir við Hótel Laugarbakka þar sem bíómynd verður sýnd á norðurvegg hótelsins.
Í frétta á vef Húnaþings vestra segir: „Bíóbíllinn mætir á Hvammstanga [...] og ekur um bæinn til að kynna sig. Hægt verður að kíkja innfyrir og glugga í stuttmyndir sem sýndar verða í bílnum í samstarfi við EFA. Bíllinn mun verða staðsettur við Félagsheimilið á Hvammstanga.
Um kvöldið verður bíllinn svo búinn að koma sér fyrir við Hótel Laugarbakka og mun þar standa fyrir bílabíói. Stórmyndinni Dancer in the Dark, eftir Lars von Trier með Björk í aðahlutverki, verður varpað á norðurvegg hótelsins (gamla íþróttahússins). Verð er 1.900 kr. á hverja bifreið.“
Bíóbíllinn stoppar ekki á fleiri stöðum á Norðurlandi, nema þá kannski til að taka bensín, en næst liggur leið hans á Dalvík þar sem hann fer rúntinn á morgun, föstudaginn 18. september.
Fleiri fréttir
-
Jólatréssalan á Eyrinni komin í gang
feykir.is Skagafjörður 17.12.2025 kl. 16.36Jólatréssala körfuknattleiksdeilar Tindastóls fór í gang í dag og nú er ekkert annað í stöðunni en mæta á sama gamla góða staðinn á Eyrinni, hitta fyrir eldhressa körfuboltamenn og fara heim með jólin í skottinu – enda ekkert betra en ilmurinn af lifandi tré yfir jólin.Meira -
Stelpurnar fengu KR en strákarnir Snæfell
feykir.is Skagafjörður, Íþróttir, Lokað efni 17.12.2025 kl. 16.14Dregið var í átta liða úrslit VÍS bikarsins í körfuknattleik í hádeginu í dag. Tindastóll átti lið í pottunum báðum þar sem bæði karla- og kvennalið félagsins höfðu unnið leiki sína sl. sunnudag. Stelpurnar fengu heimaleik gegn spræku liði KR og þar verður væntanlega hart barist. Leið karlaliðsins í fjögurra liða úrslit ætti að vera nokkuð örugg þar sem Stólarnir fengu útileik gegn 1. deildar liði Snæfells.Meira -
Heimismenn sjálfir í aðalhlutverki
feykir.is Skagafjörður 17.12.2025 kl. 10.25Karlakórinn Heimir heldur sína árlegu áramótatónleika í Miðgarði þann 28. desember næstkomandi. Af því tilefni hafði blaðamaður samband við Atla Gunnar Arnórsson formann kórsins, til þess að forvitnast um tónleikana og starfsemi kórsins í haust og vetur.Meira -
Jólamót Molduxa haldið enn og aftur
feykir.is Skagafjörður, Íþróttir 17.12.2025 kl. 09.47Jólamót Molduxa verður haldið samkvæmt venju annan dag jóla en mótið er í hugum margra ómissandi þáttur í jólahefð Skagfirðinga. Samkvæmt bestu vitund talnagleggstu Molduxa er þetta mót það 32. sem haldið er.Meira -
Síðasti Feykir ársins 2025 kominn úr prentun
feykir.is Skagafjörður, Austur-Húnavatnssýsla, Vestur-Húnavatnssýsla 17.12.2025 kl. 09.40Þá er kominn út síðasti Feykir ársins 2025. Svokallað jólakveðjublað enda fullt af jólakveðjum og auglýsingum og sennilega hefur þetta síðasta blað fyrir jól aldrei verið stærra, heilar 36 síður. Að sjálfsögðu er blaðið stútfullt af áhugaverðum umfjöllunum og viðtölum. Blaðið fer í drefingu í dag en er þegar opið í rafrænni áskrift.Meira
