Gömlu dansarnir í félagsheimilinu á Blönduósi föstudagskvöldið 6. mars

feykir.is Skagafjörður, Austur-Húnavatnssýsla, Vestur-Húnavatnssýsla 05.03.2026 kl. 13.41 siggag@nyprent.is

Föstudaginn 6. mars, það er á morgun, verða þeir dansar sem í daglegu tali eru nefndir „gömlu dansarnir“ dansaðir í félagsheimilinu á Blöndusósi frá kl. 20-22. Þetta eru dansar eins og t.d. vals, ræl, polka, vínarkruss, masúrka og skottís og verða þeir félagar Benni og Skarphéðinn ásamt hljómsveit sem halda uppi fjörinu á staðnum.

Það er Félag eldri borgara í Húnaþingi vestra og Hafa Gaman ehf. sem standa fyrir þessum viðburði og er aðgangseyrir litlar 1.500 krónur. Það verður svo bar á svæðinu þar sem hægt verður að kaupa alls kyns drykki.

Nú er um að gera að pússa dansskóna, rifja upp taktana og gleðjast eina góða kvöldstund.

Til baka

Fleiri fréttir

  • Mynd tekin af heimasíðu Skagafjarðar.

    Kjördagur fyrir komandi sveitarstjórnarkosningar fer fram 16. maí nk.

    feykir.is Skagafjörður, Mannlíf 05.03.2026 kl. 11.38 siggag@nyprent.is
    Á heimasíðu Skagafjarðar er tilkynning þess efnis að sveitarstjórnarkosningarnar fari fram laugardaginn 16. maí nk. Einnig er vakin athygli á eftirfarandi dagsetningum er varða skilafrest framboða sem er kl. 12:00 þann 10. apríl og að utankjörfundaratkvæðagreiðsla hefjist þann 17. apríl. Þá hefur yfirkjörstjórn Skagafjarðar opnað fyrir rafræna meðmælendasöfnun fyrir framboð til sveitarstjórnar á vef Ísland.is. 
    Meira
  • Mynd: Facebooksíða Körfuknattleiksdeild Tindastóls

    Tap í Blue-höllinni í gær

    feykir.is Skagafjörður, Íþróttir 05.03.2026 kl. 09.47 siggag@nyprent.is
    Það leið ekki langur tími á milli leikja hjá Stólastúlkum þessa vikuna og voru þær eflaust ennþá í sigurvímu eftir frábæran sigur á Stjörnunni síðastliðinn sunnudag. Í gær heimsóttu þær Keflavík í Blue-höllinni og má búast við að heimferðin hafi verið frekar döpur því niðurstaða leiksins var tap, lokatölur 77-67.
    Meira
  • Framkvæmdir hjá Glaðheimum. MYNDIR AF HÚNAHORNINU

    Glaðheimar stækka og fullbókað fyrstu þrjá mánuði ársins

    feykir.is Austur-Húnavatnssýsla, Lokað efni 04.03.2026 kl. 14.57 oli@feykir.is
    Ferðaþjónustufyrirtækið Glaðheimar á Blönduósi eru í stöðugum vexti og gekk rekstur þess vel á síðasta ári, að sögn Lárusar B. Jónssonar framkvæmdastjóra. Í dag er gistirými Glaðheima á svæð-inu fyrir um 150 manns, þar af eru um 30 sumarhús í mismunandi stærðum og gistihús með rými fyrir um 16 manns. Í samtali við Húnahornið segir Lárus að bókanir fyrir árið 2026 hafi verið miklar og að fullbókað sé fyrstu þrjá mánuði ársins. Í ljósi þess hafi eigendur Glaðheima ákveðið að auka verulega við gistiplássið, eða um það bil fyrir 50 manns til viðbótar.
    Meira

  • Tillaga að breyttu deiliskipulagi: Sauðárkrókshöfn - Háeyri 6 og 8

    feykir.is Skagafjörður 04.03.2026 kl. 14.01 oli@feykir.is
    Sveitarstjórn Skagafjarðar samþykkti á 46. fundi sínum þann 25. febrúar 2026 að auglýsa tillögu að breytingu á deiliskipulagi fyrir hafnarsvæðið á Sauðárkróki vegna lóðanna Háeyri 6 og 8 í samræmi við 41. og 43. gr. skipulagslaga nr. 123/2010.
    Meira
Yfirlit frétta