Björn Margeirsson genginn til liðs við UMSS
Frjálsíþróttamaðurinn knái Björn Margeirsson frá Mælifellsá í Skagafirði kvaddi nú um áramótin FH með stæl en eins og landsfrægt var gat Björn ekki sætt sig við að keppa fyrir hönd félags sem hefði Kristján Arason í vinnu. Björn gekk nú í vikunni til liðs við UMSS þar sem hann hyggst klára sinn feril.
-Að sjálfsögðu skipti ég yfir í UMSS, þ.e. Tindastól. Ég ætlaði mér alltaf að ljúka ferlinum „í heimabyggð“ og afrek Kristjáns Arasonar og samviska mín urðu einfaldlega til þess að ég gerði það fyrr en ella. Ég hef þegar gengið frá félagaskiptunum og upplýst Gunnar Sigurðsson, yfirþjálfara frjálsíþróttadeildar Tindastóls, um málið, segir Björn í samtali við Feyki.is.
Aðspurður um viðbrögð við brotthvarf sitt frá FH segir Björn; -Ég hef bara fengið góð viðbrögð frá þjálfurum og stjórn frjálsíþróttadeildar FH, sem ég kann mjög að meta. Enda er ekki við frjálsíþróttadeild FH að sakast í þessu máli heldur beinist gagnrýni mín vegna ráðningar Kristjáns eingöngu til handknattleiksdeildar og yfirstjórnar félagsins. Ég tel því að ég skilji við frjálsíþróttadeild FH í fullri vinsemd og gagnkvæmri virðingu og kem til með að eiga áfram góða félaga og vini í FH. Ég hef orðið var við gífurlegan stuðning við ákvörðun mína annars staðar úr þjóðfélaginu á spjallsíðum á netinu, gegnum tölvupóst, sms-skilaboð og samtöl. Vissulega hef ég fengið eina og eina neikvæða „pillu“ vegna málsins, t.d. datt einhverjum í hug að peningar væru í spilinu fyrir mig, sem er fullkomin fjarstæða. Fyrir að ganga í Tindastól þáði ég nákvæmlega ekki neitt (þ.e. veraldleg gæði í formi fjármagns eða viðlíka) og borgaði t.d. félagaskiptagjald upp á heilar 1000 kr úr eigin vasa. Frjálsíþróttir eru því miður ekki atvinnumannaíþrótt nema fyrir fólk með Ólympíugetu ólíkt boltagreinum, þar sem jafnvel nægir að vera meðal 100-200 bestu leikmannanna í landi sem er nr. um og undir 100 á heimslista, til að fá mannsæmandi laun fyrir íþróttaiðkun sína.
Eru einhver mót eða keppnir sem þú ert að stefna á í framtíðinni?
Samfara félagaskiptunum reikna ég með að ljúka ferli mínum sem millivegalengdahlaupara, a.m.k. á alþjóðlega vísu. Ég prófaði fyrst í fyrra að hlaupa maraþon og reikna með að snúa mér að lengri hlaupum eftir því sem tími og áhugi leyfa. Ég er búinn að skrá mig í Rotterdam maraþon, sem fer fram í apríl 2011 og svo geri ég ráð fyrir að gera atlögu að „heimsmetinu“ í 55 km Laugavegshlaupinu í júlí, sem sett var árið 2009. En það verða vart fleiri Heims- og Evrópumeistaramót af minni hálfu.
Fleiri fréttir
-
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík við Hvammstanga og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira
