Bleikt boð Krabbameinsfélags Skagafjarðar
„Á Bleika deginum berum við Bleiku slaufuna, klæðumst bleiku og lýsum skammdegið upp í bleikum ljóma til að minna á að það er list að lifa með krabbameini.” Þannig var Bleiki dagurinn í ár kynntur. Við í Skagafirði tókum undir þessi orð og héldum, að vanda, Bleika daginn hátíðlegan á Löngumýri, 29. október.
Salarkynnin voru lýst upp og skreytt bleikum kertum og rósum. Bleikur drykkur tók á móti gestum, sem streymdu að í rökkrinu hvaðanæva úr firðinum. Mörg eru nýgreind, önnur hafa á umliðnum árum gengið í gegnum meðferð og lifa með krabbameininu. Það á jafnt við um þau sem greindust sem og fjölskylduna alla.
Dagskrá kvöldstundarinnar var á léttum og þægilegum nótum, saman naut fólks vel kryddaðrar súpu með nýbökuðu brauði og hlustaði á sungið og talað orð. Sr. Halla Rut Stefánsdóttir sagði frá eigin reynslu af því að lifa með krabbameini og Snorri Snorrason , tenór, söng en meðleikari hans var Rögnvaldur Valbergsson.
Krabbameinsfélagið styrkir fjárhagslega þau sem sækja meðferð til Akureyrar og til Reykjavíkur og til þess fara bæði félagsgjöld sem og gjafir einstaklinga og félaga. Fyrir það erum við afar þakklát.
Félaginu barst óvænt gjöf í bleikum október 2025. María Sjöfn Jónsdóttir í Hátúni hafði tekið það upp hjá sjálfri sér að hanna og útbúa armbönd sem hún seldi. Hún var mætt þetta kvöld og veitti Þuríður María Jónsdóttir, gjaldkeri Krabbameinsfélags Skagafjarðar, framlagi hennar viðtöku. Kærar þakkir.
/aðsent
Fleiri fréttir
-
Starfsemi 1238 á Sauðárkróki kveður | Aðsent Freyja Rut
feykir.is Skagafjörður, Aðsendar greinar 04.12.2025 kl. 14.07Eftir sex ára ólgusjó í ferðaþjónustu, áskorunum tengdum heimsfaraldri og afleiðingum þess, eftir sex ár af velgengni í stöðugu mótlæti, ótrúlegum árangri og verulegu framlagi til menningartengdrar ferðaþjónustu, ekki bara í Skagafirði heldur víða um lönd stöndum við á krossgötum og tilkynnum lokun sýningarinnar 1238 á Sauðárkróki.Meira -
Sögulegt Íslandsmeistaramót á Hólum
feykir.is Skagafjörður, Listir og menning, Lokað efni 04.12.2025 kl. 13.39Um þarsíðustu helgi tók Háskólinn á Hólum þátt í að marka ný spor í íslenskri hestamennsku þegar haldið var á Hólum Íslandsmeistaramót í járningum með opnum alþjóðlegum flokki. „Þetta var í fyrsta sinn sem slíkur flokkur er hluti af Íslandsmeistaramóti og vakti það mikla athygli meðal fagfólks, nemenda og áhugafólks um hestamennsku,“ segir í frétt á vef skólans.Meira -
Aðventugleði á Hofsósi
feykir.is Skagafjörður 04.12.2025 kl. 11.45Laugardaginn 6. desember standa nokkrir íbúar og fyrirtæki fyrir Aðventugleði á Hofsósi. Í félagsheimilinu Höfðaborg verður markaður með fjölbreyttan varning. Þar verður einnig Héraðsbókasafnið með bókahorn og kynningu á nýjustu bókunum. Hægt verður að setjast niður og kaupa kaffi og kökur.Meira -
Magadans og áritun í Skagfirðingabúð
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 04.12.2025 kl. 11.29Föstudaginn 5. desember munu Hermann Árnason og Hjalti Jón Sveinsson árita bók sína, Með frelsi í faxins hvin, í Skagfirðingabúð milli klukkan 13-14. Að sjálfsögðu mæta allir hestaáhugamenn þangað! Í bókinni segir frá Hermanni Árnasyni sem hefur stundað hestamennsku frá blautu barnsbeini. „Rétt er að taka fram að magadansins verður að bíða betri tíma, hann var bara settur hér með til að fanga athygli lesenda!“ segir í tilkynningu frá Bókaútgáfunni Hólum.Meira
