Boltinn er ekki að detta fyrir Stólana
Tindastóll spilaði við Grindavík síðastliðið föstudagskvöld í Iceland Express-deildinni og er skemmst frá því að segja að heimamenn í Grindavík unnu öruggan sigur. Það hefur verið saga Stólanna það sem af er tímabilsins að eiga afleitan upphafsfjórðung í leikjum sínum og það varð engin undantekning frá þeirri óskrifuðu reglu suður með sjó. Lokatölur leiksins voru 85-65.
Það tók Grindvíkinga ekki langan tíma að ná yfirhöndinni og var Watson bakvörður heimamanna Stólunum erfiður. Staðan var 29-13 að loknum fyrsta leikhluta og strax á töluverðan bratta að sækja. Varnarleikurinn skánaði til mikilla muna í öðrum leikhluta og leikur liðsins allur annar. Í hálfleik var staðan 47-36 fyrir Grindavík.
En strákarnir náðu sér ekki almennilega á strik í síðari hálfleik og var hittni leikmanna alls ekki nógu góð. Þrettán stigum munaði á liðunum fyrir síðasta leikhluta og síðustu mínúturnar var sí og æ leitað að Moe og Hampton til að klára sóknirnar og það var ekki að gera sig. Lokatölur 85-65.
Það má kannski hugga sig við það að Grindvíkingar tróna á toppi deildarinnar og hafa unnið alla fjóra leiki sína til þessa. Það var því við ramman reip að draga. Stuðningsmenn Tindastóls eru þó á því að liðið eigi talsvert inni og sé langt frá því að hafa spilað að eðlilegri getu það sem af er tímabilinu.
Á föstudagskvöldið var bakvörðurinn Moe Miller stigahæstur með 20 stig og hann tók sömuleiðis flest fráköst allra á vellinum eða 11 talsins. Þriggja stiga hittni beggja liða var slök, bæði lið gerðu 4 slíkar og var nýtingin um 25%.
Stig Tindastóls: Moe 20, Hampton 17, Rikki 11, Hreinsi 5, Helgi Viggós 5, Helgi Margeirs 3, Svabbi 2 og Þröstur 2.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
