Bráðvantar lækna á HS
Heilbrigðisstofnunina á Sauðárkróki bráðvantar lækna til starfa. Tvær stöður hafa verið auglýstar frá því síðastliðið vor en engar umsóknir borist.
Að sögn Hafsteins Sæmundssonar forstjóra Heilbrigðisstofnunarinnar, er það landlægt vandamál að læknar fáist ekki til starfa. „Þar sem lækna og hjúkrunarfólk vantar einnig til starfa í Noregi og Svíþjóð fara þeir fremur þangað. Þar fá þeir mun betri kjör og spilar lágt gengi íslensku krónunnar þar einnig stórt hlutverk.“
Hafsteinn bendir á að vandamálið liggi meðal annars í því að unglæknar þurfa flestir að klára sérnámið erlendis, þá yfirleitt í Skandinavíu. Þá er ekkert tiltökumál fyrir þá að setjast varanlega að í þeim löndum.
Velferðaráðuneytið býður einungis upp á átta námsstöður hér á landi. Þær eru allar hjá Heilsugæslu Höfuðborgarsvæðisins og allar í heimilislækningum. „Við erum að reyna að vinna í því að fá námsstöður til okkar út á land. Við teljum að það myndi auka líkurnar á því að læknar myndu setjast hér að og jafnvel að læknanemar úr landsbyggðinni myndi sækja í að fara aftur í sína heimabyggð,“ segir Hafsteinn.
Hafsteinn segist vera uggandi yfir stöðunni. „Ef ástandið heldur svona áfram og gengi krónunnar verður áfram svona óhagstætt kemur til með að vanta alveg í stéttina, bæði lækna og hjúkrunarfólk.“
Nú starfa þrír fastráðnir læknar við Heilbrigðisstofnuna en tvo lækna vantar til viðbótar. „Við erum nokkurnveginn búin að manna stöðurnar til áramóta en svo vitum við ekki hvað gerist eftir það,“ segir Hafsteinn.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
