Breytingar á þjónustu Svf. Skagafjarðar og messa fellur niður
Í ljósi Covid-19 smita í Skagafirði verða talsverðar breytingingar á starfsemi sveitarfélagsins frá og með morgundeginum, sunnudeginum 9. maí. Þá fellur niður guðsþjónusta í Sauðárkrókskirkju sem átti að vera kl. 11 sama dag og einnig hefur aðalsafnaðarfundi kirkjunnar, sem vera átti á morgun, verið frestað um óákveðinn tíma.
Á vef sveitarfélagsins er tilkynnt um eftirtaldar breytingar á þjónustu sveitarfélagsins í kjölfar smita: „Skerðing verður á starfsemi sundlauga í sveitarfélaginu. Sundlaugar verða opnar en heitir pottar verða lokaðir ásamt gufu- og eimböðum.
Þjónusta í ráðhúsi verður áfram með þeim takmörkunum sem hafa verið í gildi undanfarið en ekki eru allir starfsmenn ráðhússins staðsettir í ráðhúsinu. Fólk er því hvatt til að beina erindum sínum í gegnum síma (455-6000), tölvupóst eða íbúagátt á heimasíðu Sveitarfélagsins Skagafjarðar eigi það þess kost. Netföng flestra starfsmanna er að finna á heimasíðunni en einnig má senda fyrirspurnir á netfangið skagafjordur@skagafjordur.is. Opnunartími afgreiðslu er frá kl 10:00 – 12:00 og 12:30 – 15:00 alla virka daga.
Mælst er til þess að íþróttaæfingar yngri flokka verði felldar niður meðan smitrakning stendur yfir og þangað til heildarmynd er komin á dreifingu smita.
Umhverfisdagar Sveitarfélagsins Skagafjarðar sem fara áttu fram 15. maí og plokk-áskoranda keppni milli fyrirtækja sem átti að hefjast núna á mánudag er frestað um óákveðinn tíma.“
Skíðasvæði Tindastóls verður lokað á morgun utan þess að göngubraut hefur verið lögð en engin aðstaða verður opin á svæðinu. Mælst er til þess að samkomur þar sem hópamyndun er verði felldar niður eða þeim frestað.
Þá kemur fram að íbúar eru hvattir til að fylgjast með fréttum og verður staðan endurskoðuð í samræmi við framgang smitrakningar og heildarumfang smita. Fólk er hvatt til að gæta allra persónulegra sóttvarna og fara að öllu með gát. Mikilvægt er að einstaklingar sem finna fyrir einkennum séu ekki á meðal fólks og fari í skimun við fyrsta tækifæri.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.