Brúðulistahátíðin á Hvammstanga verður haldin þrátt fyrir hertar sóttvarnarreglur
Þrátt fyrir strangari reglur um fjölda einstaklinga sem saman kemur, m.a. í leikhúsum, hafa aðstandendur brúðulistahátíðarinnar HIP (Hvammstangi International Puppetry Festival) ákveðið að halda hátíðina.
„Hátíðinni verður ekki aflýst, enda taka nýjustu reglur tillit til þeirrar hverfandi litlu smithættu sem er á menningarviðburðum þar sem fólk situr kyrrt í eigin sætum, með sínu fólki, með grímu fyrir vitum, í öruggri fjarlægð frá öðrum,“ segir í tilkynningu frá Gretu Clough, listrænum stjórnanda hátíðarinnar.
Þessu til viðbótar segir að opnað verði snemma inn í sal, og útgöngu úr salnum stjórnað þannig að engar tappamyndanir eigi sér stað og minnt er á grímuskyldu á sýningum.
„Þó að af hátíðinni verði er sætaframboð enn minna en áður, og því er fólk eindregið hvatt til þess að panta sér miða á ókeypis atburði með einkaskilaboðum á Facebook, og til þess að kaupa sér miða á þá atburði sem kosta á Tix.is, hið allra fyrsta.
Búast má við að ýmsir hliðarviðburðir færist til eða jafnvel falli niður sökum takmarkana, og því afar mikilvægt að fylgjast vel með Facebook-síðu hátíðarinnar.
Það er virkilega spennandi dagskrá framundan og við hvetjum fólk til að njóta þess að eiga kosta á heimsklassa listviðburðum í heimabyggð á þessum krefjandi tímum.“
Fleiri fréttir
-
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.